Iýrıı Ilın degen adamdy tanısyz ba? Ol QR Ishki ister mınıstriniń orynbasary. Jalpy bul Ilın degen adamnyń bar-joǵy belgisiz edi. Esim-soıyn eshkim bilmeıtin. Astanadaǵy bes balanyń ómirin qıǵan qaıǵyly oqıǵadan keıin baspasóz jıynyn ótkizip, ekitúrli, bir qysym pikir aıtty. Sóıtip, «ataqty» boldy. Búgin Iýrıı Ilın degen azamat týraly sóz etpekpiz. Ol kim? Qaıdan keldi?
Bıylǵa deıin Ishki ister mınıstrligin tapjylmaı otyryp, tup-týra 8 jyl basqarǵan Qalmuhambet Qasymov degendi jurt jaqsy biledi. Mine, sol Qasymovtyń orynbasary bolǵan Iýrıı Ilın Astanadaǵy qaıǵyly oqıǵaǵa qatysty pikir bildirip, marqum bolǵan bes balanyń ata-anasy jaýapqa tartylýy múmkin degendi aıtty. Bul onsyz da qazadan qan jutyp, qabyrǵasy sógilgen ata-ananyń ǵana emes, jalpy jurtshylyqtyń ashýyna tıdi.
«Bul jaıtty sotta qaraıdy. Balanyń qaýipsizdigine jaýapty bolmaǵany úshin qaıtys bolǵan jaǵdaıda ata-anasyn jaýapqa alý zańy bar. Al, bul jerde bir otbasynyń bes birdeı balasy qaza boldy. Sondyqtan bul másele tergeý men sotta tekseriledi», - dedi Iýrıı Ilın Astanada ótken baspasóz máslıxatynda. Bul jańaǵy vıe-mınıstrdiń sózi. Alyp-qosqanymyz joq.
Jańaózende halyqqa oq atqan, «taǵy shyqsa, taǵy atamyn» degen mınıstr Qasymovtyń orynbasarynan jurt basqa ne kútýi kerek edi?..
Já, buryn Bojko basqarǵan tusta jeke mınıstrlik bolyp, keıin osy Ishki ister mınıstrliginiń quramyna departament bolyp qosylǵan Tótenshe jaǵdaılar departamenti degen bar. Jańaǵy Iýrıı Ilın degen sol departamenttiń ókili.
Iýrıı Ilın týraly «Abai.kz» portalynda belgili jýrnalıst Ashat Asan da jazdy. Ashat Asannyń maqalasy oıymyzǵa oı, sózimizge sóz qosty. Aldymen jańaǵy Ilınniń ómirderegine kóz júgirteıik...
Iýrıı Ilın kim?
«Online.zakon.kz» deıtin saıttaǵy derektemege nazar aýdaraıyq... Iýrıı Ilın 1968 jyly týǵan. Týǵan jeri – RSFSR, Kýıbyshev qalasy dep kórsetilipti. Biletin bir tili – orys tili eken taǵy. 1992-1996 jyldar aralyǵynda Ýkraınada, Sýmsk oblysynda áskerı salady qyzmet etken.
Odan keıin Almaty men Almaty oblysynda tótenshe jaǵdaılar qyzmetinde túrli laýazymdardy atqarǵan. Áýeli oblystyq TJ daıyndyq ortalyǵynda aǵa ofıer bolǵan. Aıaǵynda mınıstrlikten biraq shyqqan.
Aıtpaqshy, 2013-2015 jyldarda ol Almaty qalasy ákiminiń orynbasary bolǵan. 2015 jyly Prezıdent ákimshiliginde memlekettik ınspektor bolǵany taǵy bar.
Budan basqa Ilınniń 1 Ordeni, 8 medali bar.
Premerdiń sógisi ótpeıtin adam
Iýrıı Ilınniń atyn aǵaıynǵa aıǵaqtaǵan Astanadaǵy qaıǵyly jaǵdaıdan keıin sol kezdegi mınıstr Qalmuhambet Qasymovty Premer-mınıstr Baqytjan Ábdiruly Saǵyntaev synaǵan edi. Synaǵanda da mınıstrdiń qolastynda qyzmet jasaıtyn jaýapty birneshe adamǵa qatań sógis jarııalaýdy tapsyrǵan. Kimderge deısiz ǵoı... Aıtamyz...
Mınıstrdiń orynbasary – Iýrıı Ilınge, Tótenshe jaǵdaılar jónindegi komıtet tóraǵasy Vladımır Bekkerge, Tótenshe jaǵdaılar qyzmetiniń Astanadaǵy departamentiniń basshysy Marǵulan Amanbaevqa qatań sógis jarııalap, Tótenshe jaǵdaılar qyzmeti komıteti tóraǵasynyń orynbasary Barat Duzaqbaevty qyzmetinen bosatýdy aıtqan edi.
Nátıjesinde, Barat Duzaqbaev qyzmetinen bosatyldy. Artynan kóp uzamaı-aq, Qasymovtyń ózi 8 jyl otyrǵan kreslosyn bosatyp, basqa qyzmetke aýysty.
Al jańaǵy Ilınniń esebi bútin shyqty. Ashynǵan jurttyń ashýyn týǵyzyp, ańdamaı sóılegen vıe-mınıstr Iýrıı Ilınniń panasy pármendi boldy ma, álde premerdiń sógisi de, sózi de ótpedi me, áıteýir, Ilın din aman.
Pysqyrmady dedik qoı. Premerdiń sógisine qatysty ol pikir bildirgen eken.
«Meniń oıymsha, bizdiń qyzmetimizge baǵany tek qyzmetkerler ǵana emes, halyq beredi. Ózime jaýapkershilik júkteı otyryp aıtar em, bizde negizgi jumysty qarapaıym qyzmetkerler atqarady. Jáne biz tirkep otyrǵaǵn bizdiń qyzmetkerler qutqaryp qalǵan adamdar qanshama. Mine, birinshi kezekte sol adamdardyń alǵysy bizdiń jumysymyzǵa berilgen joǵarǵy baǵa», depti.
2 ret sotqa tartylǵan adam qazir vıe-mınıstr
«Abai.kz» saıtynda jýrnalıst Ashat Asan jazǵan derekke kóz júgirtsek, jańaǵy vıe-mınıstr Iýrıı Ilın buǵan deıin eki márte sotqa tartylǵan adam eken.
2009 jyly jol júrý erejesin óreskel buzǵan. Ózge bireýdiń kóligin soqqan.
2012 jyly zańǵa tompaq buıryq shyǵarǵan. Osy týraly az-maz jazaıyq. Iýrıı Ilın ol kezde Almatyda, qala boıynsha jedel daıyndyq, azamattyq qorǵanys, tabıǵı apattardy eskertý jáne saldaryn job jónindegi basqarmany basqarǵan. Sóıtip, bul basqaratyn mekemege Ádilet departamenti tekseris jasaıdy. Aqyrynda, Iýrıı Ilınniń birneshe márte zań buzǵanyn anyqtap, sotqa beredi. Sotqa Iýrıı Ilın kelip qatyspaǵan da. Nátıjesinde Iýrıı Ilın jaýapty dep tanylyp, 16 myńnan sál asatyn somada aıyppul tóleıdi.
Jalpy, Iýrıı Ilın eki rette de az ǵana aıyppulmen qutylǵan. Qyzyǵy sol, osy jaǵdaıdan keıin-aq, Iýrıı Ilınniń tasy órge domalap, Almaty ákiminiń orynbasary, odan keıin Prezıdent ákimshiligine, ary qaraı Ishki ister mınıstrligine qyzmetke turady.
Kim, qaı shendi zań buzbaı jatyr deısiz... Eń bastysy súıenetin tireýiń myqty bolsa, premerdiń sógisi túgigi patshanyń pármenin de pysqyrmaýǵa bola ma dep qalasyń... Áıtpese, Reseı áskeriniń ofıseri, Ýkraınada qarapaıym qyzmette júrgen adam, aıaq-astynan Almatyǵa kelip, karerasy jyl sanap óskenin basqa qalaı túsindirýge bolady?.. Já, bizdiń Úkimettiń quramyndaǵy shendi-shekpendilerdiń ishinde kimder, qandaı adamdar júrgenin bile júrsin dedik...
«Adyrna» ulttyq portaly
