QR Premer-Mınıstri laýazymyna «AMANAT» Frakııasy Álıhan Smaılovtyń kandıdatýrasyn usyndy. Osy oraıda, «AMANAT» partııasynyń Atqarýshy hatshysy Elnur Beısenbaev áleýmettik jelide óz pikirin bildirdi.
Onyń aıtýynsha, Memleket basshysynyń bastamasymen elimizdegi saıası júıeni qaıta jańǵyrtý proesi konstıtýııalyq reformadan naqty bastaý aldy. Endigi mańyzdy qadam – Úkimettiń jańa quramyn jasaqtaý.
«AMANAT» saılaýda kópshiliktiń daýysyna ıe bolyp jeńiske jetken partııa retinde búgin Premer-Mınıstr laýazymyna kandıdatýra usyndy. Mundaı tájirıbe Parlamenttiń rólin kúsheıtip qana qoımaı, saıası partııalardyń jaýapkershiligin arttyrady. Endigi kezekte Úkimettiń jumysy Frakııa tarapynan jiti baqylaýda bolyp, onyń árbir sheshimi partııa ishinde suralatyn bolady. Bul jumys Májilistegi Frakııanyń bedeli men onyń fýnkıonaldyq múmkindikterin keńeıtedi», - dedi partııa Frakııasynyń jetekshisi.
Sondaı-aq, Elnur Beısenbaev qajet bolsa, partııa tıisti sharalar qoldanýǵa daıyn ekenin málimdedi.
«Bul Prezıdent jarııalaǵan «Kúshti Prezıdent – yqpaldy Parlament – esep beretin Úkimet» qaǵıdatynyń naqty iske asýy dep bilemiz. Ras, sońǵy bir jylda Úkimetke qoǵam tarapynan aıtylǵan syn az bolǵan joq. Biraq, mınıstrler kabınetiniń nebári bir-aq jyl jumys istegenin eskerýimiz qajet. Bir jyl – úkimettiń jumysyn obektıvti baǵalaý úshin tym qysqa ýaqyt», - dedi E.Beısenbaev.
Sonymen qatar, ol elimizde baǵanyń turaqtamaýy, jumyssyzdyq, azamattardyń tabysyn arttyrý, jylýmen qamtamasyz etý, ınfraqurylymdy jaqsartý, aýyldy túletý sııaqty Úkimettiń aldynda asa aýqymdy mindetter turǵanyn atap ótti.
«Biz bul máselelerdi jaqsy bilemiz jáne ony Úkimetpen birge sheshýimiz qajet. Úkimetti jıi aýystyrǵannan máseleler sheshilýi bylaı tursyn, qordalana beretinin ýaqyt kórsetti. Sondyqtan, mınıstrler kabıneti byltyr bastaǵan isti jalǵastyryp, halyqtyń ál-aýqatyn arttyrý boıynsha jumysty tez arada shıratýy qajet», - dep túıindedi ol.
