QR Premer-Ministrı lauazymyna «AMANAT» Fraksiiasy Älihan Smailovtyŋ kandidaturasyn ūsyndy. Osy oraida, «AMANAT» partiiasynyŋ Atqaruşy hatşysy Elnūr Beisenbaev äleumettık jelıde öz pıkırın bıldırdı.
Onyŋ aituynşa, Memleket basşysynyŋ bastamasymen elımızdegı saiasi jüienı qaita jaŋǧyrtu prosesı konstitusiialyq reformadan naqty bastau aldy. Endıgı maŋyzdy qadam – Ükımettıŋ jaŋa qūramyn jasaqtau.
«AMANAT» sailauda köpşılıktıŋ dauysyna ie bolyp jeŋıske jetken partiia retınde bügın Premer-Ministr lauazymyna kandidatura ūsyndy. Mūndai täjıribe Parlamenttıŋ rölın küşeitıp qana qoimai, saiasi partiialardyŋ jauapkerşılıgın arttyrady. Endıgı kezekte Ükımettıŋ jūmysy Fraksiia tarapynan jıtı baqylauda bolyp, onyŋ ärbır şeşımı partiia ışınde sūralatyn bolady. Būl jūmys Mäjılıstegı Fraksiianyŋ bedelı men onyŋ funksionaldyq mümkındıkterın keŋeitedı», - dedı partiia Fraksiiasynyŋ jetekşısı.Sondai-aq, Elnūr Beisenbaev qajet bolsa, partiia tiıstı şaralar qoldanuǧa daiyn ekenın mälımdedı.
«Būl Prezident jariialaǧan «Küştı Prezident – yqpaldy Parlament – esep beretın Ükımet» qaǧidatynyŋ naqty ıske asuy dep bılemız. Ras, soŋǧy bır jylda Ükımetke qoǧam tarapynan aitylǧan syn az bolǧan joq. Bıraq, ministrler kabinetınıŋ nebärı bır-aq jyl jūmys ıstegenın eskeruımız qajet. Bır jyl – ükımettıŋ jūmysyn obektivtı baǧalau üşın tym qysqa uaqyt», - dedı E.Beisenbaev.Sonymen qatar, ol elımızde baǧanyŋ tūraqtamauy, jūmyssyzdyq, azamattardyŋ tabysyn arttyru, jylumen qamtamasyz etu, infraqūrylymdy jaqsartu, auyldy tületu siiaqty Ükımettıŋ aldynda asa auqymdy mındetter tūrǧanyn atap öttı.
«Bız būl mäselelerdı jaqsy bılemız jäne ony Ükımetpen bırge şeşuımız qajet. Ükımettı jiı auystyrǧannan mäseleler şeşıluı bylai tūrsyn, qordalana beretının uaqyt körsettı. Sondyqtan, ministrler kabinetı byltyr bastaǧan ıstı jalǧastyryp, halyqtyŋ äl-auqatyn arttyru boiynşa jūmysty tez arada şiratuy qajet», - dep tüiındedı ol.
