Ūlytau oblysynda jastarǧa arnalǧan «Ulytau Zhastary» tūrǧyn üi baǧdarlamasy bastalady. Baǧdarlama 35 jasqa deiıngı oblys tūrǧyndaryna neǧūrlym tiımdı şarttarmen tūrǧyn üi satyp aluǧa kömektesedı.
Ūlytau oblysynyŋ äkımdıgı «Otbasy bank» AQ bırlese otyryp qol jetımdı qaryzdar beru üşın 750 mln.teŋge kölemınde qarajat böledı.
Baǧdarlama qatysuşylaryna jyldyq nesie mölşerlemesı 5%-dy qūraidy. Qaryzdyŋ eŋ joǧary somasy – 20 mln. teŋge. Bastapqy jarna kem degende 10% boluy kerek.
Jeŋıldetılgen nesielendıruge ümıtkerler pulyna baǧdarlamanyŋ talaptaryna sai keletınder jäne bekıtılgen kriteriiler boiynşa köp ball jinaǧandar ötedı. Ol kriteriilerge sanyna nekedegı jyldar sany, balalardyŋ boluy, jūmys ötılı jäne t. b. äser etedı. Eŋ köp ball jinaǧandar qatysuşylardyŋ tölem qabıletın «Otbasy bank» AQ aiqyndaidy.
Ūlytau oblysynyŋ jas mamandaryn kreditteuge obektılerı Ūlytau oblysynda ornalasqan kelesı qyzmet salalary qatysa alady:
1) Densaulyq saqtau - Ūlytau oblysynda ornalasqan densaulyq saqtau salasyndaǧy memlekettık ūiymdardyŋ ştattyq qyzmetkerlerı (tehnikalyq jäne äkımşılık personaldy qospaǧanda);
2) Bılım beru - Ūlytau oblysynda ornalasqan bılım beru salasyndaǧy memlekettık ūiymdardyŋ (onyŋ ışınde memlekettıŋ 100% qatysuymen AQ jäne KEAQ) pedagog qyzmetkerlerı (tehnikalyq jäne äkımşılık personaldy qospaǧanda);
3) Mädeniet - Ūlytau oblysynda tırkelgen memlekettık mädeni ūiymdardyŋ (onyŋ ışınde memlekettıŋ 100% qatysuymen AQ jäne KEAQ) beiındı qyzmetkerlerı (tehnikalyq jäne äkımşılık personaldy qospaǧanda) ;
4) Sport – Ūlytau oblysynda tırkelgen memlekettık ūiymdarda eŋbek qyzmetın jüzege asyratyn sportşylar men jattyqtyruşy-oqytuşylar (tehnikalyq jäne äkımşılık personaldy qospaǧanda);
5) BAQ - atap aitqanda: memlekettık qyzmetşılerdı qospaǧanda, Ūlytau oblysynda ornalasqan BAQ-ta (esepke qoiu turaly kuälıgı bar ūiymdardyŋ/mekemelerdıŋ) ştattyq qyzmetkerlerı;
6) JOO - atap aitqanda: Ūlytau oblysynda tırkelgen joǧary oqu oryndarynyŋ ştattyq qyzmetkerlerı (tehnikalyq jäne äkımşılık personaldy qospaǧanda);
7) Äleumettık sala - Ūlytau oblysynda tırkelgen halyqty äleumettık qorǧau salasyndaǧy memlekettık ūiymdardyŋ (onyŋ ışınde memlekettıŋ 100% qatysuymen AQ jäne KEAQ) ştattyq qyzmetkerlerı (tehnikalyq jäne äkımşılık personaldy qospaǧanda).
«Ulytau zhastary» baǧdarlamasyna qatysuşylarǧa qoiylatyn talaptar:
1. Qatysuşynyŋ jasy ötınış bergen kezde 35 jastan (qosa alǧanda) aspauǧa tiıs;
2. Baǧdarlamaǧa qatysuşynyŋ jäne onyŋ otbasy müşelerınıŋ QR aumaǧy boiynşa soŋǧy 5 jylda menşık qūqyǧyndaǧy tūrǧyn üidıŋ bolmauy;
3. Taŋdalǧan saladaǧy resmi jūmys ötılı-zeinetaqy jarnalaryn mındettı türde tölei otyryp, kemınde soŋǧy 1 jyl;
4. Baǧdarlamaǧa erlı-zaiyptylardyŋ bıreuı ǧana qatysa alady.
Ötınım beru üşın özıŋızben bırge jyljymaityn mülıktıŋ joqtyǧy turaly jäne meken-jai anyqtamalary (Baǧdarlamaǧa qatysuşyǧa jäne otbasy müşelerıne), soŋǧy bır jyldaǧy zeinetaqy tölemderı turaly üzındı köşırmenı (egov.kz –ten aluǧa bolady), nekege tūru nemese būzu turaly kuälık, balalardyŋ tuu turaly kuälıgı, jūmys ornynan anyqtama (resmi blankıde nemese ūiymnyŋ mörımen kuälandyrylǧan, lauazymdary, jūmys kezeŋı, jalaqysynyŋ mölşerı körsetılgen), eŋbek ötılın, mügedektıgın rastaityn (bar bolǧan jaǧdaida) qūjattar äkelıŋız.
Baǧdarlamaǧa qatysuǧa ötınım beru Beibıtşılık daŋǧyly 26/1 mekenjaiynda ornalasqan Jastar saraiynda jüzege asady.
Ötınımder 2023 jyldyŋ 27-31 nauryzy aralyǧynda saǧat 9.00-18.00 (tüskı üzılıs saǧ.13.00-14.30) aralyǧynda qabyldanady. Tuyndaǧan sūraqtar boiynşa +77784608509 nömerıne habarlasuǧa bolady.
Basqalarmen bölıse
otyryŋyz
