"Abai Qūnanbaiūlynyŋ ūrpaǧy aula sypyruşy bolyp jūmys ıstep jür. Adamzattyŋ oişyly atanǧan ūly babamyzdyŋ ūrpaǧy osyndai äleumettık tauqymette jürgenı ūlttyǧymyzǧa, eldıgımızge syn emes pe". Būl turaly aqyn, publisist Janarbek Äşımjan özınıŋ feisbuk paraqşasynda jazdy, dep habarlaidy "Adyrna" ūlttyq portaly.
"Talǧar taularyn baurailap kele jatqanbyz. Darhan deitın käsıpker ınım kenetten "Abai atamyzdyŋ Aidos deitın ūrpaǧynan habaryŋyz bar ma?" degenı… Kezınde Daniiar esımdı şöpşegınıŋ sūhbatyn oqyǧanmyn, Aidos degen ūrpaǧynan habarym joq eken. Oilanyp qaldym. Sosyn "Abai Qūnanbaiūlynyŋ Aqylbaev Aidos degen tıkelei ūrpaǧy bar, osy Almatyda tūrady…" dedı. "Mümkın bolsa baryp sälem bersek qalai bolar eken?.." dedım. Telefonyna habarlasyp edı, jūmys ornynda eken. Rūqsat sūradyq. Qarsy bolmady. Bardyq. Jūpynylau kiıngen dembelşe kısı aulaǧa şyqty. Keŋırek tanystyq. Äŋgımelestık. Qazaqşaǧa şorqaqtau eken. Asyldyŋ synyǧy, altynnyŋ ūntaǧy emes pe, bolmysynan tektılık, ziialylyq, aqsüiektık aŋqyp tūr. Közınıŋ oty bar. Ūly babasyna kelbetı de keletındei. Boiyn jaman ädetterden mülde aulaq ūstaitynyn aitty. "Abai atamnyŋ tūqymy ekenımdı köp adamǧa aitpaimyn, myna meiramhanadaǧylar da bılmeidı. 2020 jyly babamnyŋ 175 jyldyǧynda Semeige bardym. "Abai balalarymen" degen eskertkıştıŋ aşyluy boldy. Aqylbai atam men Tūraǧūl atamdy ekı qaptalyna alǧan babamnyŋ eskertkışı keremet şyǧypty. Osyny arnaiy tapsyryp, jasatqany üşın el Prezidentı Qasym-Jomart Toqaevqa ūrpaqtary atynan erekşe rizamyn! " - dedı Aidos aǧamyz. Almatynyŋ "Arbatyndaǧy" mälım meiramhanalardyŋ bırınde aula sypyruşy bolyp jūmys ısteidı eken. Eŋbekaqysy - 150 myŋ teŋge. Osyny estıgende janymyz jüdep, köŋılımız alai-dülei bolyp kettı…",- dep jazdy Janarbek Äşımjan.Aidos Aqylbaev 1967 jyly Almaty qalasynda düniege kelıptı. Ukrainanyŋ äigılı Krivoi rog qalasyndaǧy Aviasiialyq uchilişede oqyǧan eken. Oqu bıtırgende keŋester odaǧy küiregen, sosyn būiyrǧan jūmystarmen ainalysypty. Jalǧyz qyzy - Aleksandra osy künderı Saratov qalasynyŋ tūrady. Şejıre boiynşa: Abai – Aqylbai – Älımqūl – Baǧfūr – Ernest – Aidos. Iаǧni, Aidos aǧamyz - Abai atamyzdyŋ nemenesı bolady.
"Aidos aǧamyzdyŋ jūmysy saǧat 16.00-de aiaqtalady eken. Bılıner-bılınbes sebezgılep jauyp tūrǧan jaŋbyr da toqtaǧan. "Üiıŋızge deiın şyǧaryp salaiyq" dep edık, qarsy bolmady. Az uaqyt küttık. Şaǧyndau dorbasyn köterıp şyqty. Tiıstı meken-jaiǧa alyp keldık. Bes qabatty köne üidıŋ besınşı qabatynda bır bölmelı üide zaiybymen tūratynyn aitty... Ūly Abaidyŋ soŋǧy tūiaǧy ǧoi. Daniiar degen nemere bauyry baryn aitty, köp jyldardan berı bailanystary joq sekıldı. Erkek ataulydan qalǧan osy ekeuı ǧana eken. Adamzattyŋ oişyly atanǧan ūly babamyzdyŋ ūrpaǧy osyndai äleumettık tauqymette jürgenı ūlttyǧymyzǧa, eldıgımızge syn emes pe?!. Oilanaiyq!", - dedı aqyn.
"Adyrna" ūlttyq portaly
