"Barlyǵyna sabaq bolsyn": Bıbisara Asaýbaeva keshirim surady

1920
Adyrna.kz Telegram

Qazaqstandyq shahmatshy Bıbisara Asaýbaeva Jansaıa Ábdimálikpen bolǵan janjalǵa qatysty pikir bildirip, ózi renjitken adamdardan keshirim surady, dep habarlaıdy "Adyrna" ulttyq portaly Azattyq Ruhy-na silteme jasap. 

Sportshynyń aıtýynsha, Úndistandaǵy Gran-prıde bolǵan beıbereketsizdikti kóbelektiń qanat qaǵýy áserimen salystyrýǵa bolady.

«Kóbelektiń bolmashy qanat qaǵýynan jaǵalaýdyń ar jaǵynda paıda bolǵan ýnamı bárimizdi basyp qalǵandaı kúıde júrmiz. Keshe men aıtqan bir jaǵdaı osyndaı úlken daý týdyrdy. Endi onyń saldarymen isteý kerek ekenin ózimiz de túsinbeı otyrmyz. Bálkim, men keshe qatty tolqyp ketken shyǵarmyn (aıtpaqshy, sol úshin heıterlerden sybaǵamdy aldym). Álbette, aqyl-oıdyń aldyna túsip ketetin emoııalardyń aýyr zardapqa ákelýi múmkin ekeni sózsiz. Bul barlyǵyna sabaq bolsyn. Shahmatshy birneshe qadamdy aldyn ala esepteýi kerek, eń aldymen ómirde solaı etkeni durys. Óıtkeni ómirde jibergen qateniń baǵasy shahmat taqtasyndaǵydan áldeqaıda joǵary bolady. Al qatelessem, moıyndaýǵa daıynmyn», - dep jazdy Bıbisara Assaýbaeva Instagram paraqshasynda.

Sportshy týrnırler kezinde nemquraıly uıymdastyrý, uıqysyzdyq, keleńsizdikter men nátıjesiz ýádeler endi eshqashan bolmaıdy dep úmittenetinin jetkizdi.

«Men jaı ǵana oıyn oınap, rekord ornatyp, elimizdiń abyroıyn asqaqtatyp, týǵan-týystarymyzdy qýantqym keledi. Óıtkeni biz osy úshin keldik. Jáne bizge osyndaı múmkindik beredi dep senemin. Qasıetti Ramazan aıynda ásirese, taza oı, taza nıet bolýy mańyzdy. Renjitken adamdardan keshirim suraımyn. Jaman maqsatym bolǵan joq. Al laıyqty adam óz marapatyn alsyn», - dep túıindedi B. Asaýbaeva.

Eske salaıyq, osydan birer kún buryn Bıbisara Asaýbaeva áriptesi, halyqaralyq grossmeıster, Almaty qalasy máslıhatynyń burynǵy depýtaty Jansaıa Ábdimálikti synap, jelide jazba qaldyrǵan bolatyn.

"Adyrna" ulttyq portaly 

Pikirler