Iliias Kar jol apaty bolǧan jerden nege ketıp qalǧanyn tüsındırdı

Almatydaǧy aktrisa qaza tapqan apatta aiyptaluşy Iliias Kar oqiǧa bolǧan jerden nege qaşyp ketkenın tüsındırdı, - dep habarlaidy sot zalynda otyrǧan Tengrinews.kz tılşısı. Iliias Karǧa jol erejesın būzdy, sonyŋ saldarynan abaisyzda üş adamnyŋ ölımıne äkep soqqan jol-kölık oqiǧasyn jasady jäne apat bolǧan jerden qaşyp kettı degen aiyp taǧylǧan. Apat 2018 jyly 29 jeltoqsanda boldy. Mercedes Gelandewagen avtomobilın jürgızgen Iliias Kar Mitsubishi Galant kölıgın soqqan. Mūnyŋ aldynda poliseiler oqiǧa bolǧan künı ol mas bolǧanyn mälımdegen. Al Iliias Kar sol keşte meiramhana men karaokege barǧanyn moiyndasa da, ışımdık ışpegenın mälımdedı. Onyŋ aituynşa, ol onkologiialyq auruǧa şaldyqqan.  Sottaluşy apatqa deiın bırneşe minut būryn ne bolǧanyn aityp berdı. Kar karaokeden şyǧyp, dalada äielımen  ūrysyp qalǧanyn mälımdedı. "Kölıkke otyryp Nauryzbai batyr daŋǧylymen kele jatyp, batys baǧytta oŋǧa Abai daŋǧylyna būrdym. Ekınşı jolaqpen qozǧaldym, sebebı bırınşı jolaq avtobustardykı boldy. Aldymdaǧy jasyl baǧdarşamdy körıp, ötıp ketu üşın jyldamdyq qostym. Keiın baǧdarşamnyŋ janyp-öşıp tūrǧanyn baiqadym, tejep ülgermeitınımdı tüsındım. Būl taŋǧy uaqyt edı, jaŋbyr sebelep tūrǧan", - dep tüsındırdı ol. Prokurordyŋ aituynşa, apat kezınde Iliias Kar şekteuge qaramastan saǧatyna 94 şaqyrym jyldamdyqpen jürgen. Sottaluşy qiylysta ornynan qozǧalaiyn dep tūrǧan avtobusty körıp, ony ainalyp ötpekşı bolǧanyn aitty.  "Sosyn aldymnan Mitsubishi şyqty, al men onyŋ ortasyna soǧyldym. Kölık şetımen audaryldy. Al menı ar jaqqa alyp kettı. Qarsy baǧytqa şyǧa jazdadym. Keiın kölıkten şyǧyp, älgı kölıkke qarai jügırdım. Ony audaryp ornyna qoiuǧa tyrystyq. Işınen adamdardy kördım, es tüssız jatty. Kömektesuge tyrystym, olardy şyǧaryp alǧym keldı. Bıraq bır er adam olai jasasam, ziianym tiıp ketuı mümkındıgın aitty. Keiın jedel järdem qyzmetın şaqyrularyn sūradym. Myna adamdar, kuägerler, kölıktı men jürgızgenımdı bılmedı. Bır kezde: "Jürgızuşı qaida?" dep kölıgıme qarai jügırıp, aiǧailap sūrai bastady. Bylapyt sözder aityp ūrsa bastady. Men aiyptau bastalyp ketuı mümkın ekenın tüsındım", - dedı Iliias Kar. Onyŋ aituynşa, osydan keiın ol Seifullin boiymen soltüstık baǧytqa ketken. Sottaluşy syrtqy kiımdı kölıkte qaldyrǧanyn atap öttı. "Odan ärı sol jaqtaǧy aulaǧa kırdım. Onda taŋǧy segızge deiın otyrdym. Keiın Masanchi köşesıne şyǧyp, taksi ūstap, "Baraholka" jaqqa kettım, kürteşenı, aiaq kiımdı satyp alǧym keldı. Özımde jazdyq aiaq kiım bolatyn. Zattar satyp aldym. Sol jerde tanysym Ramazanǧa habarlasyp, "Iýpiter" bazaryna şaqyrdym. Men oǧan jaǧdaidy tüsındırdım, ol zaŋgerge baruǧa keŋes berdı. Tüste zaŋgerge habarlastyq, bıraq ol qala syrtynda boldy", - dedı ol. Keiın Kar kelesı künı, 30 jeltoqsanda zaŋgerımen polisiia bölımşesıne kelgenın habarlady. Keiın ol tergeuşımen qan tapsyruǧa auruhanaǧa barǧanyn aitty. Osydan keiın Iliias Kardy uaqytşa ūstau izoliatoryna qamady.  Sottaluşy kölık jürgızude 15 jyldyq täjıribesı bar ekenın jäne jol-kölık oqiǧasyna būryn soŋdy tüsıp körmegenın atap öttı.