QR Parlamenti Májilisiniń depýtaty Erlan Stambekov saılaýda jeńilis tapqan depýtattyqqa úmitker Sanjar Boqaevtyń til tıgizgenin aıtyp, qorlady dep shaǵymdanyp beıneúndeý jasady. Aıtýynsha, qazir oǵan jalǵan sóz, jala jabý, qorlaý sıpatyndaǵy negizsiz sózder tańylǵan. Maqsaty belgili, saılaý nátıjelerine kúmán keltirý, jeńisin joqqa shyǵarý.
«Bul kúnderi maǵan qarapaıym azamattar, saılaýda maǵan daýys bergen meniń saılaýshylarym úndemeı qalmaýdy jáne osy ótirik pen faktilerdiń ashyq burmalanýyna jaýap berýdi suraıdy. Ókinishke qaraı, senimdi adamdarym barlyq ýchaskede bolǵanyna qaramastan (al Boqaevtyń esh jerde bolmaǵan senimdi adamdarynan aıyrmashylyǵy), meniń shtabym barlyq hattamany alǵan joq. Tipti qolymdaǵy barlarynyń ózi meniń taza jeńisimdi dáleldeıdi», - dedi Stambekov.
Stambekov 1999 jáne 2004 jyldary bir mandatty okrýgten saılaýǵa qatysqan, tájirıbeli adam retinde áliptiń artyn baǵýǵa, nátıjemen kelispeıtinderge oıyn aıtýǵa, hattamalardy tekserýge jáne jeńilisti moıyndaýǵa múmkindik bergenin aıtty. Sóz sońynda qasıetti Ramazan aıynda qarsylasyna naǵyz er adamǵa las oıyndy toqtatyp, jeńilisti moıyndaýǵa shaqyrdy.
<
