«Altyn túlek» jeńimpazdary ýnıversıtet granttaryn aldy

1735
Adyrna.kz Telegram

2023 jyldyń 11 naýryzynda 10-11 synyp oqýshylaryna arnalǵan «V Altyn túlek» olımpıadasynyń respýblıkalyq kezeńi óz máresine jetti. Olımpıadada respýblıkamyzdyń 14 óńirinen 1875 oqýshy baq synasty. Onyń ishinde 908 bala 10 synyp oqýshylary, 967 bala 11 synyp oqýshylary.

«V Altyn túlek» respýblıkalyq olımpıadasy QR Ǵylym jáne joǵary bilim mınıstrligi jáne Daryn Respýblıkalyq Ǵylymı-Praktıkalyq Ortalyǵynyń qoldaýymen óńirlerdegi joǵary oqý oryndarynyń bazasynda ótkizildi.

Joǵary oqý oryndary pedagogıkalyq, tehnıkalyq mamandyqtarǵa grant (57 grant) bólý arqyly «Altyn túlek» olımpıadasynyń mártebesin asqaqtatty. Sonymen qatar 2 shetel granty tabystaldy.

Respýblıka boıynsha eń joǵary upaıdy ıelengen Astana qalasyndaǵy A. Baıtursynuly at. BINOM mektebiniń 11 synyp oqýshysy  Janahmetov Ansarǵa CYPRUS SCIENCE UNIVERSITY granty jáne Túrkistan oblysy Kentaý qalasy Daryn mektebiniń 11 synyp oqýshysy Kamılhanov Abdýsamatqa Istanbul Aydin Univercity granty tabystaldy.

Sonymen qatar respýblıka boıynsha Q.I. Sátbaev atyndaǵy Qazaq ulttyq tehnıkalyq zertteý ýnıversıtetiniń grantyn Astana qalasyndaǵy №93 mektep lıeıiniń 11 synyp oqýshysy Baıjuma Aıbek ıelense, Almaty qalasyndaǵy №173 mektep-lıeıiniń 11 synyp oqýshysy Aıdabaı Aıǵanymǵa Suleyman Demirel University (SDÝ) granty buıyrdy.

Qazaqstan-Brıtandyq tehnıkalyq ýnıversıtetiniń (KBTÝ) grantyn Aqtóbe qalasyndaǵy «Bilim» mektebiniń 11 synyp oqýshysy Slamǵalıev Erkin qanjyǵasyna baılady.

Marapattardy tabystaý rásimine joǵary oqý oryndarynyń basshylary men aımaqtyq «Daryn» ortalyqtarynyń dırektorlary qatysty.

Olımpıada qatysýshylaryna ýnıversıtet tarapynan kásiptik baǵdar jumystary da júrgizilip, aýqymdy aqparattar berildi.

Pikirler