Astana qalasynyŋ qylmystyq ıster jönındegı mamandandyrylǧan audanaralyq soty jurnalist Mahambet Äbjanǧa qatysty ükımdı özgerıssız qaldyrdy, dep habarlaidy «Adyrna» tılşısı.
2023 jylǧy 3 aqpanda sot BAQ-ty paidalana otyryp, ırı zalal keltıruge äkep soqqan körıneu jalǧan aqparat taratu faktısı boiynşa (QK-nıŋ 274-babynyŋ 3-bölıgı) jäne asa ırı mölşerde bopsalau faktısı boiynşa (QK-nıŋ 194-baby 4-bölıgınıŋ 2) tarmaǧy) Äbjanǧa qatysty ükım şyǧarǧan edı.
«ABZHAN NEWS» telegramm-kanalynyŋ iesı 2022 jyldyŋ mausymynan şıldesıne deiın «Astana-öŋırlık elektrjelılık kompaniiasy» aksionerlık qoǧamdastyǧy Basqarma töraǧasynyŋ orynbasary G.Qojabaevqa, «Astana Jylu tranzitı» basqarma töraǧasynyŋ orynbasary K.Mukinge jäne R.Mahatqa (jeke käsıpker) qatysty körıneu jalǧan mälımetter jariialaǧan. Sondai-aq R.Mahattan 50 mln. teŋge somasynda aqşa qarajatyn bopsalaǧan.
Jurnaliske qylmystardyŋ jiyntyǧy boiynşa tötenşe qauıpsızdıktıŋ qylmystyq-atqaru jüiesı mekemesınde jazasyn ötei otyryp, 9 jylǧa bas bostandyǧynan aiyru taǧaiyndaldy.
Äbjannyŋ ıs-äreketınen qauıptı qylmystyŋ qaitalanǧany anyqtaldy.
«Sottalǧan adam men onyŋ qorǧauşylary osy ükımmen kelıspei, sot aktısıne apelliasiialyq tärtıppen şaǧymdanyp, Äbjandy aqtaudy sūrady. Sot aktısınıŋ küşın joiuǧa nemese özgertuge negız bolmaǧandyqtan, ükım özgerıssız qaldyryldy jäne zaŋdy küşıne endı»,- dep tüsındırdı qalalyq sot.
Ūqsas jaŋalyqtar
