Astana qalasynyń qylmystyq ister jónindegi mamandandyrylǵan aýdanaralyq soty jýrnalıst Mahambet Ábjanǵa qatysty úkimdi ózgerissiz qaldyrdy, dep habarlaıdy «Adyrna» tilshisi.
2023 jylǵy 3 aqpanda sot BAQ-ty paıdalana otyryp, iri zalal keltirýge ákep soqqan kórineý jalǵan aqparat taratý faktisi boıynsha (QK-niń 274-babynyń 3-bóligi) jáne asa iri mólsherde bopsalaý faktisi boıynsha (QK-niń 194-baby 4-bóliginiń 2) tarmaǵy) Ábjanǵa qatysty úkim shyǵarǵan edi.
«ABZHAN NEWS» telegramm-kanalynyń ıesi 2022 jyldyń maýsymynan shildesine deıin «Astana-óńirlik elektrjelilik kompanııasy» akıonerlik qoǵamdastyǵy Basqarma tóraǵasynyń orynbasary G.Qojabaevqa, «Astana Jylý tranzıti» basqarma tóraǵasynyń orynbasary K.Mýkınge jáne R.Mahatqa (jeke kásipker) qatysty kórineý jalǵan málimetter jarııalaǵan. Sondaı-aq R.Mahattan 50 mln. teńge somasynda aqsha qarajatyn bopsalaǵan.
Jýrnalıske qylmystardyń jıyntyǵy boıynsha tótenshe qaýipsizdiktiń qylmystyq-atqarý júıesi mekemesinde jazasyn óteı otyryp, 9 jylǵa bas bostandyǵynan aıyrý taǵaıyndaldy.
Ábjannyń is-áreketinen qaýipti qylmystyń qaıtalanǵany anyqtaldy.
«Sottalǵan adam men onyń qorǵaýshylary osy úkimmen kelispeı, sot aktisine apellıaııalyq tártippen shaǵymdanyp, Ábjandy aqtaýdy surady. Sot aktisiniń kúshin joıýǵa nemese ózgertýge negiz bolmaǵandyqtan, úkim ózgerissiz qaldyryldy jáne zańdy kúshine endi»,- dep túsindirdi qalalyq sot.
