Ridderdegı jylu energetika ortalyǧynyŋ № 6 qazandyq aimaǧynda janarmai beru galereiasynda jarylys boldy. Būl turaly Energetika ministrlıgınıŋ baspasöz qyzmetı aitty, dep habarlaidy «Adyrna» tılşısı.
Jarylys tolqyny şamamen 80 şarşy metr qorşau qūrylymdaryn qiratqan.
«Būl jerge Atomdyq jäne energetikalyq qadaǧalau men baqylau komitetınıŋ basşylyǧy dereu jolǧa şyqty. Būiryqqa säikes komissiia tehnologiialyq būzuşylyqqa tergep-tekseru jürgızedı. Komissiia qūramyna Komitet ökılderı, Ridder JEO jäne tehnikalyq sarapşy kırdı. Tergep-tekseru nätijelerı 10 jūmys künı ışınde daiyn bolady»,—deidı basqarma.Qazırgı uaqytta JEO-da 6 qazandyqtyŋ 2-ı jūmys ısteidı. Qalǧan 4 qazandyqta aqaulardy joiu boiynşa jöndeu jūmystary jürgızılıp jatyr.
