Rıdderdegi jylý energetıka ortalyǵynyń № 6 qazandyq aımaǵynda janarmaı berý galereıasynda jarylys boldy. Bul týraly Energetıka mınıstrliginiń baspasóz qyzmeti aıtty, dep habarlaıdy «Adyrna» tilshisi.
Jarylys tolqyny shamamen 80 sharshy metr qorshaý qurylymdaryn qıratqan.
«Bul jerge Atomdyq jáne energetıkalyq qadaǵalaý men baqylaý komıtetiniń basshylyǵy dereý jolǵa shyqty. Buıryqqa sáıkes komıssııa tehnologııalyq buzýshylyqqa tergep-tekserý júrgizedi. Komıssııa quramyna Komıtet ókilderi, Rıdder JEO jáne tehnıkalyq sarapshy kirdi. Tergep-tekserý nátıjeleri 10 jumys kúni ishinde daıyn bolady»,—deıdi basqarma.
Qazirgi ýaqytta JEO-da 6 qazandyqtyń 2-i jumys isteıdi. Qalǵan 4 qazandyqta aqaýlardy joıý boıynsha jóndeý jumystary júrgizilip jatyr.
