Áleýmettik jelide tegin palaýǵa talasqan jurttyń vıdeosy keń tarap, qyzý talqyǵa tústi. Bul týraly "Adyrna" ulttyq portaly jazady.
Naýryz meıramyna oraı respýblıka qalalarynda kıiz úıler tigilip, mol dastarhan jaıyldy.
Alaıda tegin taratylǵan tamaqtyń arty daý-janjalǵa ulasyp, tipti urys-tóbeleske ákeldi. Kıiz úıge kirýge asyqqan halyq aıǵaı-shý shyǵaryp, bir-birin taptap ótýge deıin bardy.
Jeli qoldanýshylary qazaqstandyqtardyń ersi qylyǵyn qatań synǵa alyp jatyr.
«Uıat-aı, ózderin kórip uıalmaı ma eken? Ne kórindi sonsha? Myna túrimizben damý qaıda bizge! Mine, osyndaılardan shyǵady jymǵyrtatyn jemqorlar, túk kórmegen teginge qumarlar», «Tegin tektiligińdi buzady deıdin edi Ájem», "Elinde soǵys bolyp, ash júrgen Sırııa halqy da bulaı talaspaıdy ǵoı", "Qazaǵym qara qazannyń qadirin umytqandaı ǵoı", "Adamdardyń nıeti jaman bolyp bara jatyr. Shúkirshilik joq, táýbege kelińder", "Ne jabaıylyq, ar-namys qaıda? Qasıetten jurdaı bolyp bara jatyrmyz", "Quldyq sanadan qashan arylamyz qazaǵym?", - dep jazdy olar.
"Adyrna" ulttyq portaly
