Ötkende paraqşamnan Ukrainadan Aida Hametjanova jıbergen videony bärıŋız kördıŋızder. Qazaqtar tıkken kiız üidıŋ qasynda ukrain jıgıtı özıne bergen bır tarelka palaudan ekı-üş qasyq jeidı de, qalǧanyn kışkentai qyzyna beredı.
Qazannyŋ qasyndaǧy palau salyp tūrǧan aǧai "kel, taǧy da salyp bereiın. Palau bar älı" dese ana jıgıt, "men özımdıkın aldym ǧoi. Qazandaǧy ol basqalarynyŋ nesıbesı" dep jauap beredı. Sol kezde qatty taŋ qalyp edım. Köz aldyma Bolattyŋ bergen palauyna talasqan özımızdıŋ halyq kelıp, qatty yŋǧaisyzdanǧanmyn.
Sosyn özımızdı solarmen salystyryp soǧys bolyp jatsa da ary men namysyn joimaǧan halyq eken süisıngenmın. Keşegı "palau talasty" körıp jylaǧym keldı. Qūdai-au otyz jylda ne bolyp ketkenbız?
Halyq aş, jalaŋaş dep aqtamai-aq qoiyŋyzdar. Bır tarelke tamaq üşın Afrikanyŋ özınde būlai talaspaidy. Tegın tamaq, tamaq taratu degen aksiiany toqtatu kerek. Jetımder üiıne, qarttar üiıne baryp ıste. Meşıtke aparyp qatymhanasyna jai dastarhandy. Adam qūsap otyryp jesın.
Ne mynau? Palauǧa talasqan qazaqtardyŋ videosy älemdı şarlap kettı.Baǧana Ukrainadan habarlasqan jıgıtter şok bolyp jatyr. Ne aitarymdy da bılmedım.
"Adyrna" ūlttyq portaly
