Elimizdiń ońtústik bóliginde jer dúmpýleri jıiledi. 23 naýryz túnde Shymkent, Taraz jáne Túrkistan oblysynyń jergilikti turǵyndary jer silkinisin sezdi. Bul týraly Stan.kz habarlady, dep jazady "Adyrna" ulttyq portaly.
Qutqarýshylardyń jedel aqparaty boıynsha, jer silkinisi 2-3 ballǵa teń. Jer asty dúmpýleri Almaty ýaqyty boıynsha 02:07-de tirkelgen. Zardap shekkender men qırandylar týraly aqparat bolǵan joq.
"Jer silkinisiniń epıentri Almatydan ońtústik-batysqa qaraı 740 shaqyrym jerde, Tájikstan aýmaǵynda ornalasqan. Magnıtýdasy – 6.5. 101 jáne 112 jelilerinde zardap shekkender men qıratýlar týraly aqparat túsken joq", - dep habarlady Shymkent TJB.
Jergilikti turǵyndar Shymkent qalasynyń ortalyǵynda da, qala syrtynda da dúmpýlerdi sezip, kópshiligi úıinen shyǵyp ketken.
Taǵy bir jer dúmpýi tańǵy 06:27-de Almatydan ońtústik-batysqa qaraı 724 km jerde oryn aldy. Onyń magnıtýdasy – 4.4.
"Adyrna" ulttyq portaly
