Memleket basshysy Qasym-Jomart Toqaev Qazaq elin Ramazan aıynyń bastalýymen quttyqtady. Bul týraly Aqordanyń baspasóz qyzmeti habarlady, dep jazady "Adyrna" ulttyq portaly.
"Ardaqty aǵaıyn!
Sizderdi qasıetti Ramazan aıynyń bastalýymen shyn júrekten quttyqtaımyn!
Bul – kúlli musylman qaýymy úshin mán-mańyzy aıryqsha mezgil.
Adamzatty rýhanı tazarýǵa jáne jan-jaqty kemeldenýge bastaıtyn osy aıda tózimdilik, janashyrlyq, ımandylyq sııaqty qundylyqtar keńinen dáripteledi.
Ata-babamyz Ramazandy «on eki aıdyń sultany» dep ardaqtaǵan. Oraza ustaǵan jamaǵatqa aýyzashar berip, bir-birine erekshe qurmet kórsetken.
Salt-dástúrimizben sabaqtas asyl dinimiz ǵasyrlar boıy Uly dalada eldiń birligin jáne qoǵamnyń tynyshtyǵyn saqtaý jolynda mańyzdy ról atqaryp keledi.
Meıirimdilik aıynda halqymyz ıgi isterin eselep, saýapqa kenele bersin!
Barshańyzǵa zor densaýlyq, baq-bereke tileımin!
Oraza qabyl bolsyn!",- delingen quttyqtaýda.
"Adyrna" ulttyq portaly
