Májilis depýtattyǵyna ózin-ózi usynǵan táýelsiz kandıdat Baqytjan Bazarbek baspasóz máslıhatynda "osy saılaýda kóshbasshy" ekenin aıtyp, qorytyndy nátıjeden tek qana jeńis kútetinin málimdedi, dep jazady "Adyrna" ulttyq portaly.
"Árıne, 30 jyl boıy jınalǵan máseleni áp-sátte sheshý qıyn. Biraq biz osy saılaýǵa opponentterimizge qaraǵanda úlken daıyndyqpen shyqtyq. Biz elge, halyqqa atqarylǵan úlken istiń qorytyndysymen keldik. Memlekettik menshikke qaıtarylǵan qanshama jerler bar. Qanshama aýyldyń jaıylymdy jerlerin qaıtardyq. Bárin sottyń sheshimimen dáleldep otyrmyz. Sondyqtan da biz úgit-nasıhat pen saılaýaldy baǵdarlamamyzdy ázirleý jumysyna tolyǵymen daıyndyqpen keldik. Baqylaýshylarym usynǵan aqparatqa sáıkes, aldyn-ala nátıje boıynsha biz osy saılaýda kóshbasshymyz. Ázirge biz qorytyndy derekterdi alǵan joqpyz. Osyndaı úlken daıyndyqpen kelgen kezde bizdiń kútetinimiz tek qana jeńis! Basqa eshqandaı nátıjeni kútpeımiz. Sebebi, men basqa opponentterge qaraǵanda ózimdi sózben emes ispen dáleldep, halyqqa kórsete bildim", - dep málimdedi Baqytjan Bazarbek.
"Adyrna" ulttyq portaly
