QMDB tóraǵasy, bas múftı Naýryzbaı qajy Taǵanuly Ortalyq kommýnıkaııalar qyzmetinde ótken baspasóz máslıhatynda halyqtyń, ásirese jastardyń patrıottyq sezimin oıatý maqsatynda atqarylatyn jobalar týraly baıandady. Bul týraly informburo.kz habarlady, dep jazady "Adyrna" ulttyq portaly.
"Halyqty oıatqyń kelse, onyń tarıhyn oıat" degen sózdiń máni tereńde. Medrese-kolledjderdiń oqý baǵdarlamasyna fakýltatıv dáris retinde "Alashtaný", "Tulǵataný" pánin engizý týraly bastama kóterip otyrmyz. Maqsatymyz – bolashaq din mamandaryn ultjandylyq pen otansúıgishtikke baýlý", – dedi bas múftı.
Onyń aıtýynsha, dástúrli Islamdy qoǵamda keńinen dáriptep kele jatqan birden-bir dinı birlestik – Qazaqstan musylmandary dinı basqarmasy. QMDB 2023 jyldy dinı qyzmet aıasynda "Islam jáne izgi qoǵam" jyly dep jarııalap, konferenııalar men semınarlar ótkizýdi bastap ketti.
"Kóp ǵasyrdan beri Allaǵa sengen musylman elmiz. Qolymyzdan kelgenshe babalar ustanǵan joldy saqtap, ony keńinen jastarymyzǵa nasıhattaıyq. Bizdiń ata-babalarymyzdyń salt-dástúri – tunyp turǵan Islam dini. Ony keńinen halqymyzǵa úıretsek nur ústine nur bolar edi. Qazirgi tańda Islam dinin jamylǵan neshe túrli aǵymdar bar. Solardan saqtanyp, babalar jolyn ustanaıyq", – dedi Naýryzbaı qajy Taǵanuly.
"Adyrna" ulttyq portaly
