Reseıdiń burynǵy depýtaty Semen Bagdasarov Túrkııanyń jer silkisinen bolǵan daǵdarysty paıdalanyp, Stambýl qalasyn basyp alýǵa shaqyrdy. Bul týraly reseılik BAQ jarııalady, dep habarlaıdy “Adyrna” ulttyq portaly.
"Túrik pen túrkide ortaq ne bar? Aınaǵa qarasyn, eshteńe joq. Túrik, qazaq, qyrǵyz, ıakýtty baılanystyratyn eshteńe de joq. Bul meniń qytaılyq ekenimdi aıtqanym sııaqty. Biz tarıhı turǵydan bizge tıesili nárseni (red. Stambýldy) - Konstantınopoldi memleketimizdiń quramyna qaıtaramyz!", - dedi Semen Bagdasarov.
Sondaı-aq, Reseıdiń burynǵy depýtaty aýmaqtyq talaptardyń ádildigin dáleldeýge tyrysyp, Reseıdegi daǵdarys týraly da sóz qozǵaı ketti.
"Daǵdarys? Qudaıǵa shúkir, daǵdarys. Daǵdarys aýmaqtardyń kúıreýimen jáne bizge qosylýymen aıaqtalýy tıis", - dedi ol.
