Májilis depýtattyǵyna kandıdat Tursynbek Ómirzaqov bir aı boıy úgit-nasıhat jumysyn júrgizgen eriktilerge ýáde etken jalaqylaryn bermeı, aldap ketken. Bul týraly L.N.Gýmılev atyndaǵy Eýrazııa ulttyq ýnıversıtetiniń stýdentteri ZTB.KZ redakııasyna habarlady, dep jazady "Adyrna" ulttyq portaly.
Olardyń aıtýynsha, saılaýǵa bir aı qalǵanda 55 stýdent kandıdat Tursynbek Ómirzaqovtyń shtabymen kelisim shartqa otyrǵan. Olar Ómirzaqovty nasıhattaýmen aınalysýy kerek edi.
"19 aqpannan 17 naýryzǵa deıin jumys istedik. Basynda bizge árqaısymyzdyń jalaqymyz 150 000 teńgeni quraıtynyn aıtty. Biz kelisip, jumys istedik. Aıazdy kúnderi úgit-nasıhat paraqtary men plakattardy japsyrdyq. Árqaısymyzǵa belgili bir aýmaqtardy bólip berdi. Júrip-turý shyǵynyn ózimiz kóterdik», - deıdi stýdentterdiń biri.
Úgit-nasıhat naýqany aıaqtalǵanda stýdentterge kelisim-sharttyń ózgergeni týraly habarlandy.
«Endi olar "ár úgit-nasıhat paraǵyna nemese plakatqa 50 teńgeden tóleımiz" degendi alǵa tartyp otyr. Iaǵnı bul degenimiz eriktiler nebári 30-35 myń teńge alady degen sóz. Qaıta bizge múlde basqa soma ýáde etilgen bolatyn», - dep shaǵymdanady stýdent.
Jigit bul jumysqa ýnıversıtettiń qatysy joq ekenin aıtady.
"Biz bul jumysty tanystarymyz arqyly ózimiz taptyq. Qosymsha tabys tapqymyz keldi. Túbinde osyndaı máselege tap bolatynymyzdy bilsek, eshqaısymyz mundaı jumys istemes edik. Biz tek alǵashqy kelisim sharttyń talaptary oryndalǵanyn qalaımyz. Bizge jalaqy kerek. Budan artyq eshteńe qajet emes", - dep kómek surady stýdentter.
Eske salaıyq, búgin Qazaqstanda Parlament Májilis pen máslıhattardyń kezekten tys saılaýy ótip jatyr.
"Adyrna" ulttyq portaly
