Elordada 3000-ǵa jýyq adamnyń qatysýymen «AMANAT» partııasynyń «Halyqpen birge!» forýmy ótti. Is-sharaǵa Májilis pen máslıhattarǵa kandıdattar, partııa belsendileri men jaqtastary jáne «Jastar Rýhy» jastar qanatynyń músheleri qatysty.
Óz sózinde «AMANAT» Tóraǵasy Erlan Qoshanov úgit-nasıhat kezeńindegi qajyrly eńbegi úshin partııalastarǵa alǵys aıtyp, jastar qanatynyń jasampazdyǵy men belsendiligin erekshe atap ótti.
«Bul saılaý, eń aldymen amanattyqtardyń myzǵymas birligi men berekesin, muqalmas jigeri men rýhyn kórsetti. Bir aıdyń ishinde 30 myń kezdesý ótkizip, 4 mıllıonnan astam adamdy qamtydyq. Kezdesýler barysynda partııanyń saılaýaldy baǵdarlamasyn talqylap, azamattardyń talap-tilekterin jınadyq»,- dedi ol.
Erlan Qoshanov «AMANAT» partııasy Prezıdenttiń qoǵamdyq tiregi retinde saıası mádenıettiń jańa trendin qalyptastyryp, ózgeristerdiń draıverine aınalǵanyn atap ótti.
«Biz tarıhta qalatyn is tyndyryp jatyrmyz jáne oǵan árqaısymyz úles qosýdamyz. Úgit-nasıhat jumysynyń barlyq kezeńinde biz saılaýshylarmen ashyq áńgimelestik, debattarǵa qatystyq, kez kelgen alańda qarsylastarmen pikirtalas júrgizdik. «AMANAT» shalǵaıdaǵy aýylda da, Tık-tokta da boldy», - dedi ol.
Partııa Tóraǵasy saılaýdan keıin úgit-nasıhat plakattarynyń ornyn naqty ister almastyrý kerek ekenin atap ótti. Onyń aıtýynsha, 19 naýryz – 19 mıllıon halyqtyń bolashaǵyn aıqyndaıtyn kún.
«Jaýapkershilik júgin sezinetin partııa jańa naýqanǵa daıyndyq saılaýdan keıingi kúni-aq bastalatynyn biledi. Saılaýaldy baǵdarlamanyń barlyq tarmaǵy tolyq oryndalýy tıis. Sebebi, ondaǵy ár ıfrdyń artynda adam taǵdyry tur. Biz alǵan baǵytymyzdan taımaımyz. Eldiń múddesi men ulttyń bolashaǵy jolynda aıanbaı qyzmet etýge árdaıym daıynbyz!», - dedi Erlan Qoshanov.
Sondaı-aq forým barysynda partııadan Parlament Májilisi depýtattyǵyna kandıdattar Maqsat Tolyqbaı, Esen Eleýken, Nartaı Sársenǵalıev, Sevda Álıeva, Rınat Zaıtov, Olga Spırına, Juldyz Súleımenova jáne Ashat Aımaǵambetov sóz sóıledi.
Daıyndaǵan: "AMANAT" partııasynyń baspasóz qyzmeti
Tapsyrys berýshi: M.J. Ospanov
“AMANAT” partııasynyń saılaý qory qarajaty esebinen tólendi
