«Táýelsiz baqylaýshylar» uıymyn basqaryp, saılaýdyń ádil ótýine atsalysqan Araılym Nazarova majorıtarlyq saılaý júıesi boıynsha synǵa túsip jatyr. Naqtyraq aıtsaq ol Almaty qalasynyń №4 saılaý okrýgynan májilis depýtattyǵyna úmitker.
Araılym Nazarova óz úndeýinde halyqqa úıip-tógip ýáde bermeıtinin, tek ár azamatqa qoljetimdi depýtat bolatynyn aıtty.
«Qurmetti saılaýshy, Sizdiń kókeıińizdegi suraqqa men de jaýap izdep kelemin, demek bizdiń problemamyz ortaq... Ol eń áýeli – ádiletsizdik, jemqorlyqtyń qursaýyndaǵy júıe.
Meniń saılaý aldy baǵdarlamam dep úıip-tógip jaqsy sózderdi jaýdyrǵym kelmeıdi, aldaǵym kelmeıdi. Saılaýaldy baǵdarlamamdy bizdiń Parlamenttiń quziretine jatpaıtyn dúnıelerdi júzege asyramyn dep ádemi ýádelerge toltyrǵym da kelmeıdi.
Bir nárse ǵana ýáde ete alamyn. Ol - Sizdiń qolyńyz jete alatyn, Siz habarlasa alatyn depýtat bolý. Maqsatym: ár zań jobasyna qatysty Sizdiń pikirińizdi sol minberge jetkizý, ár talqylaýda halyqtyń múddesin birinshi orynǵa qoıý, ár azamattyń paıdasyna sheshiletin jobalarmen aınalysý. Men de dál Sizdeı:
- Taza ári ádiletti saılaýdy;
- Quzireti keń Parlamentti;
- Ádiletti Sot júıesin;
- Jemqorlyq úshin jazany kúsheıtýdi;
- Laıyqty áleýmettik kómekti;
- Zeınetaqy jasynyń tómendeýin;
- Nesıe paıyzynyń tómendigin;
- Memlekettik baǵdarlamalardyń durys júzege asýyn jáne bul baǵdarlamaǵa jaýapty tulǵalardyń zań aldynda qatań jaýap berýin;
- Turmystyq zorlyq-zombylyqty qylmys dep tanýdy;
- Sapaly em alatyn medıınany;
- Quqyǵymdy qorǵaıtyn ishki ister organyn;
- Joǵary deńgeıdegi bilim júıesin;
- Ár qazaqstandyqtyń baı memlekette laıyqty ómir súrýin qalaıtyn Qazaqtyń bir qyzymyn.
Daýysyńyzdy maǵan bergenińiz ózińizge bergen daýysym dep bilińiz.
Sizder tek meniń saılaýshym emes, biz bir komanda múshesi retinde jumys isteıik.
Sizdiń Parlamenttegi senimdi ókilińiz bolýǵa daıynmyn!», – deıdi kandıdat.
Elimizde aldaǵy jeksenbi, ıaǵnı 19 naýryz kúni májilis pen máslıhat depýtattaryn saılaý ótedi. Bıylǵy saılaýdyń majorıtarlyq saılaý júıesi boıynsha ótip jatyr.
Materıal saılaý qorynan tólendi
