"Eldegi Májilis saılaýyna úmitker sáláfıd kandıdattardyń beti ashyldy" - Oraz Álimbekov

- Sáláfılerdiń beti ashyldy. «Standartty emes kandıdattar» 2,5 mln namazhanǵa «stavka» qoıdy

Májilis saılaýynyń dinı-ıdeologııalyq sıpaty jóninde buǵan deıin jazylǵan. Saılaý aldynda shetelden Bekbolat Tileýhan, Muhamedjan Tazabekov, Aınur Tursynbaevalardyń Qazaqstanǵa kelýiniń bir sebebi retinde Májilis saılaýynda sáláfılik kózqarastaǵy kandıdattardy qoldaý ekeni aıtyldy. Bul boljamǵa senbeı, kúlkige aınaldyrǵandar da bolǵan. Mine, endi sol saıası boljam óziniń dálelin taýyp jatyr.

Sáláfılik kózqarastaǵy kandıdattardyń oıynsha, Qazaqstanda kúndelikti 5 ýaq namaz oqıtyn 1,5 – 2,5 mln namazhan bar eken. Mynaý kandıdattar depýtat bolsa, Májilis minberine shyǵyp alyp namazhandardyń quqyqtaryn qorǵaıdy eken. Sol úshin «Zaıyrlylyq. Parlament. Islam» atty onlaın konferenııa ótkizip jatyr. Saqaldy úmitkerler ózderin «standartty emes kandıdattar» dep atap, namazhandardy Qazaqstannyń basqa azamattarynan artyq qoıǵysy kele me, qalaı ózi?..

Konferenııanyń ataýy da qyzyq. «Zaıyrlylyq» jáne «Parlament» túsinigi belgili bir dinı aǵymǵa, sáláfılik túsiniktegi ıslamǵa qalaı úılesedi?! Bul «elde 2,5 mln namazhan bar, sondyqtan olardyń múddesi saıasatta eskerilý kerek» dep zaıyrly Qazaqstandy saıası shantajdyń tezine alǵysy kele me? Árkimniń nanym-senimi Konstıtýııada qorǵalǵan.

- Árbir azamat qandaı Qudaıǵa senetinin nemese senbeıtinin ózi sheshedi. Onyń ústine, memleket dinnen bólingen. Sáıkesinshe, dinı kózqaras negizinde saıası partııa qurýǵa bolmaıdy, dinı kózqaraspen saıası úgit-nasıhat jasaýǵa bolmaıdy. Mine, osy prınıp zaıyrly memlekettiń ustanymy. Al mynaý kandıdattar depýtat bola qalsa zaıyrly zańdardyń bylaı ysyryp tastap, elde sharıǵat zańyn ornatqysy keletin sııaqty. Osy suraqtarǵa zańdylyqty qadaǵalaıtyn prokýratýra men Ortalyq saılaý komıssııasy zań negizinde shuǵyl túsinikteme berýi kerek, - dedi avtor.