«Aq jol» dempartııasy 8 jyl boıy talap etip kelgen «Jeke tulǵalardyń bankrottyǵy týraly» zań kúshine endi

2003
Adyrna.kz Telegram
Foto: akzhol.kz
Foto: akzhol.kz

2023 jyldyń 3 naýryzynda «Aq jol» dempartııasy 8 jyl boıy talap etip kelgen «Jeke tulǵalardyń bankrottyǵy týraly» zań kúshine endi. Bul týraly Almatydaǵy jaqtastar mıtıngisinde partııa tóraǵasy Azat Perýashev málimdedi, dep habarlaıdy “Adyrna” ulttyq portaly.

Azat Perýashev bul taqyryptyń tarıhyna da toqtalyp ótti.

«Aq jol» frakııasy «Jeke tulǵalardyń bankrottyǵy týraly» zańdy ázirleýdi alǵash ret  2014 jyly usynǵan bolatyn.  Bul bastamaǵa 2008-2011 jyldardaǵy ekonomıkalyq daǵdarys saldarynan kóptegen kásiporyndardyń kúıreýi jáne toqtap qalý faktileri, sondaı-aq azamattardyń tólem qabiletsizdigi men  kollektorlardyń zańsyzdyǵy sebep boldy.

Halyqaralyq tájirıbeni zerttegen «Aq jol» dempartııasy boryshkerlerdiń áleýmettik quqyqtaryn qorǵaý boıynsha usynystar daıyndady, ol úsh negizgi sharany qamtýshy edi: qaryz boıynsha paıyz esepteýdi toqtatý, qaryzdyń belgilengen somasyn óteýge qosymsha merzim berý jáne qaryzdy óteý úshin boryshkerdiń jalǵyz baspanasyn alyp qoıýǵa tyıym salý.

Alaıda Qarjy mınıstrligi bul usynystarǵa tosqaýyl qoıyp, «mundaı tetik elimizde 2016-2017 jyldarǵa josparlanǵan kiristerdi jalpyǵa birdeı deklaraııalaýdy engizý arqyly ǵana múmkin bolady» dep jaýap bergen. «Aq jol» dempartııasynyń sol usynysynan jyl saıyn túrli syltaýlarmen bas tartylyp keldi.

2017 jáne 2019 jyldary úkimettiń tıisti jaýabyn kútpesten, «Aq jol» dempartııasy «Jeke tulǵalardyń bankrottyǵy týraly» zań jobalaryn ázirlep, usyndy, oǵan da memlekettik organdar tosqaýyl qoıdy.

Almatyda boryshker ózin úıden shyǵarýǵa kelgen bes adamdy atyp tastaǵan nemese anasy balalaryn kópqabatty úıden laqtyryp jibergen birqatar qaıǵyly oqıǵalardan keıin ǵana máseleniń ózektiligi men ótkirligine Úkimettiń kózi jetti, onyń ózinde Prezıdent Q.Toqaevtyń 2021 jylǵy jeltoqsandaǵy tikeleı tapsyrmasynan keıin ǵana.

2022 jyly Úkimet pen Ulttyq bank «Aq jol» partııasynyń usynystaryn eskere otyryp zań jobasyn daıyndady, ol boıynsha parlamenttegi jumysty dempartııa depýtaty Danııa Espaeva basqardy.

2022 jylǵy 30 jeltoqsanda Prezıdent Q.Toqaev jeke tulǵalardyń tólem qabilettiligin jáne bankrottyǵyn qalpyna keltirý týraly zańǵa qol qoıdy.

Bul zańnyń qabyldanýy Qazaqstan Respýblıkasynyń Prezıdenti Q.Toqaevtyń tikeleı tapsyrmasyn oryndaýdyń jáne «Aq jol» demokratııalyq partııasy jáne úkimet pen Ulttyq bank arasyndaǵy 8 jylǵa sozylǵan daýlardyń nátıjesinde boldy.

«Aq jol» frakııasy talap etse de, qujatta boryshkerlerdiń jalǵyz baspanasyn alyp qoıýǵa tyıym salý máselesi tolyq sheshilmegen, biraq, sonyń ózinde bul zań azamattardyń qaryz aýyrtpalyǵyn jeńildetip, qıyn ómirlik jaǵdaıǵa tap bolǵan myńdaǵan azamattarǵa naqty kómek kórsetetin mańyzdy quralǵa aınalary sózsiz.

Alǵashqy kúnniń ózinde-aq 2,5 myń qazaqstandyqtyń osy zańdy qoldanýǵa ótinish bildirgeni kezdeısoq emes.

Úkimet pen Ulttyq bank «Aq jol» depýtattarynyń talabyn elemeı kelgen 8 jyl ishinde qansha myń qandastarymyzdyń barynan aıyrylyp qalǵanyn boljaý ǵana qaldy, - dedi A.Perýashev mıtıngide.

Pikirler