QOSh BOL, "QARA MAIOR"

2232
Adyrna.kz Telegram

Budan bir kún buryn Qazaqstan qorǵanys mınıstri Nurlan Ermekbaev áskerı aýrýhanada jatqan otstavkadaǵy polkovnık Borıs Kerimbaevtyń kóńilin surap, oǵan Qazaqstan áskerı barlaýyna sińirgen eńbegi úshin "Altyn úki" tósbelgisi men alǵys hat tapsyrǵany týraly habarlaǵan edi.

Borıs Tókenuly Kerimbaev 1948 jyly 12 qańtarda Almaty oblysy Jambyl aýdanynda dúnıege kelgen. 1970 jyly Tashkent joǵary áskerı ýchılıesin oqyp bitirgen soń Germanııadaǵy sovet áskeri qatarynda qyzmetin bastaǵan.

1979 jyly sovet áskeri Aýǵanstanǵa basyp kirgennen keıin Borıs Kerimbaev SSSR qarýly kúshteri bas shtaby bas barlaý basqarmasynyń (GRÝ) arnaıy maqsattaǵy 177-toby ("ekinshi musylman batalony") basshylyǵyna taǵaıyndalyp, aýǵan jerindegi arnaıy áskerı operaııalarǵa qatysqan. Aýǵanstanda sovet áskerine qarýly qarsylyq tanytqan modjahedtermen soǵysta Borıs Kerimbaev "qara maıor" degen laqap atymen tanylǵan. Kerimbaevtyń batalony 1982 jyly Aýǵanstannyń Pandjsher alqabynda áıgili dala qolbasshysy Ahmad Shah Masýdtyń kúshterine qarsy turǵan. Keı derekterde modjahedter "qara maıordyń" basyna mıllıon dollar tikkeni aıtylady.

1983 jyly jeltoqsanda Aýǵanstannan Almaty mańyndaǵy áskerı bólimge aýysqannan keıin Borıs Kerimbaev ár jyldary batalon, polk basshysy qyzmetterin atqarǵan. 1990 jyldardyń basynda Qazaq SSR azamattyq qorǵanys shtabyna jumysqa aýysyp, 1992 jyly polkovnık sheninde otstavkaǵa shyqqan.

Pikirler