«Aq jol» partııasy respýblıkalyq saılaýaldy shtabynyń músheleri Shyǵys Qazaqstan oblysynda kezdesýler ótkizýde.
«Aq jol» partııa tóraǵasynyń orynbasarlary Dmıtrıı Vasılev pen Berik Dúısembınov oblys kásipkerlerimen ótken dóńgelek ústel jumysyna qatysty. Kandıdattar bıznes ókilderine partııa baǵdarlamasynyń alty basym baǵyty týraly aıtyp berdi.
Bıznesti damytý, nesıeniń qymbat mólsherlemeleri, offshorlyq esepshottardaǵy halyq qarajatyn Qazaqstanǵa qaıtarý týraly tarmaqtar óńir turǵyndarynan qoldaý tapty.
Jastardy ıpotekalyq nesıe máselesi tolǵandyrdy.
Al, kásipkerlerdiń aıtýynsha, sheksiz múmkindikke ıe sot oryndaýshylarynyń áreketine narazy. Olar kompanııalardyń esepshottaryn buǵattap, tabys taýyp, qaryzdarynan qutylýyna kedergi jasaıdy. Kásiporyndardy dızeldik otynmen qamtamasyz etý máselesinde de kereǵar jaǵdaı týyndaýda. Halyqqa, aýyl sharýashylyǵyna jeńildikter qarastyrylsa, kenishter men kólik kompanııalary ony 3 ese qymbatqa satyp alýǵa májbúr. Olardyń kópshiligi bankrottyqtyń aldynda tur.
Bul máselelerdiń barlyǵy baqylaýda bolady, dep sendirdi Dmıtrıı Vasılev.
Bıznes partııasy óz tarapynan kásipkerlik salasyndaǵy máselelerdi sheshýdiń birqatar joldaryn usynýǵa daıyn. Atap aıtqanda, áleýmettik mańyzy bar taýarlar men bıznestiń basym sektorlary úshin 0-6% deńgeıinde qosymsha qun salyǵynyń tómendetilgen mólsherlemelerin engizýdi talap etý. Qazaqstan Respýblıkasy Ulttyq Bankiniń ekinshi deńgeıdegi banktik nesıe boıynsha bazalyq syıaqy mólsherlemesin jyldyq 4-5%-dan aspaıtyn tıimdi syıaqy mólsherlemesine deıin tómendetý máselesin kóterý qajet. Monopolıster tarıfteriniń negizdiligin – birinshi kezekte energetıka jáne temirjol kóligi salasynda tolyq kólemde tekserý júrgizý kerek.
«Biz aýyldyq jerlerde salyqtardy joıýǵa umtylýdamyz, adamdardyń BJZQ shotyndaǵy qarajatyn ózderi basqarǵanyn qalaımyz, medıınalyq saqtandyrý naqty bir adamǵa baılanyp, ol kez-kelgen emhanada, qajetti ýaqytta kómek ala alatyn bolýy kerek, – dedi Berik Dúısembınov.
«Aqjoldyqtar» jınalǵandardyń suraqtaryna jaýap berip, saılaýshylardyń usynystaryn nazarǵa aldy.
