Endi balaǵat sózder aıtqan adamdar 69 000 teńge (buryn 17 250 teńge bolatyn) aıyppul arqalaıdy nemese 15 táýlikke deıin qamaýǵa alynady.
Sonymen balaǵat sóz aıtqany úshin jaýapkershilik qanshalyqty kúsheıdi?
Osy jyldan bastap usaq buzaqylyq jasaǵany úshin jaza kúsheıtiledi. Máselen, avtobýsta bireý balalardyń nemese aǵa býyn ókilderiniń kózinshe, ıaǵnı qoǵamdyq orynda, aınalasyndaǵylardy syılamaı, qoǵamdyq tártipti buzyp, balaǵat sózder aıtqan jaǵdaıda, oǵan 17 250 teńge aıyppul salynady nemese 10 táýlikke deıin qamaýǵa alynady.
6 naýryzdan bastap mundaı áreketter úshin 20 AEK (69 myń tenge túrindegi jaza) aıyppul nemese 5-ten 15 táýlikke deıin qamaýǵa alý kózdelgen.
Bireý meni jaı ǵana balaǵattady dep aıtsa, aıyppul salyna ma?
Árbir ótinish boıynsha polıııa qyzmetkerleri dáleldemeler jınaıdy. Bul azamattardyń ótinishi, kýágerlerdiń aıǵaqtary, sonymen birge quqyq buzýshylyqtyń aýdıo, beınetúsirilimi, qajet bolǵan jaǵdaıda sarapshynyń qorytyndysy bolady. Quqyqtyq baǵany sot beredi.
Úıde, kólikte aıtylǵan balaǵat sózder úshin de jazalaı ma?
Atap ótkenimdeı, bári mán-jaıǵa baılanysty. Usaq buzaqylyq boıynsha jaýapkershilikke tartý úshin qoǵamdyq oryndarda balaǵat sózder aıtý, aınalasyndaǵylardy syılamaý, sonymen birge qoǵamdyq tártip pen azamattardyń tynyshtyǵyn buzý – mindetti shart.
Áleýmettik jelidegi balaǵat sózder qandaı bappen qaralady?
Áleýmettik jelilerde balaǵat sózder aıtqany úshin, eger mundaı áreketter qoǵamdyq oryndarda nemese aınalasyndaǵylardyń, azamattardyń tynyshtyǵyn buzsa, bul usaq buzaqylyq babymen qarastyrylady.
Qaı tildegi balaǵat sózderge aıyppul salynady?
Jalpy joǵaryda atalǵan jaǵdaılar bolǵan kezde qaı tilde bolmasa da balaǵat sózder aıtqany úshin jaýapkershilik bar.
"Adyrna" ulttyq portaly
