Elimiz ınternet pen smartfondardy, túrli tehnologııa jetistikterin paıdalanýda álemde aldyńǵy qatarda desek artyq bolmas. Bizde bala týǵannan qolyna smartfon ustatamyz. Bárin eskersek te, kıbershabýyldar jaıly oı tasada qalady. «Qazaqstan kıberqalqany» degen ne? Bul tujyrymdama kimge tıimdi? Osy jáne IT týraly ózge de taqyryptar týraly aıtyp kórelik.
Qazaqstan Respýblıkasynyń ıfrlyq damý, ınnovaııalar jáne aeroǵarysh ónerkásibi mınıstrligi janynan qurylǵan aqparattyq qaýipsizdik komıteti baryn biri bilse, biri bilmes. Atalǵan uıymnyń enshisine Qazaqstannyń kıberqaýipsizdigi júktelgen. Elimiz jýyrda «Qazaqstan kıberqalqany» ulttyq kıberqaýipsizdik tujyrymdamasyn bekitip, iske asyrýdy bastap ketti. Shynyn aıtqanda, jańa tehnologııalar men elektrondyq qyzmetter árbir azamtattyń ómirindegi ajyramas bólikke aınaldy. Jalpy, kıber qalqan qurý ıdeıasy 5 jyl buryn bastalǵan. Sol kezdegi el prezıdenti Nursultan Nazarbaev 2017 jyly qańtarda Úkimetke Qazaqstannyń Kıber qalqanyn qurýdy tapsyrǵan-di.Úkimet 5 aıdan keıin tujyrymdamany bekitti. Alǵashynda tujyrymdama sıpaty tym súreń bolǵan. Olaı deıtinimiz Úkimettiń qabyldaǵany eldegi kıberqaýipsizdik jaǵdaıyna negizdelgen tujyrymdama jobasy edi. Onda tek memlekettiń múddeleri ǵana eskerildi. Bul týraly Qazaqstan Respýblıkasynyń ıfrlyq damý, ınnovaııalar jáne aeroǵarysh ónerkásibi mınıstrligi janynan qurylǵan aqparattyq qaýipsizdik komıtetiniń tóraǵasy Rýslan Kenjebekuly Ábdiqalyqov MÁS Óńirlik bólimshesimen áńgimeleskende aıtqan bolatyn. Odan keıin ótken qoǵamdyq talqylaýlar barysynda talaı ret tujyrymdama synǵa ushyrady. Mamandardyń deni «birjaqty» dep synǵa da aldy.
Qazaqstan sońǵy jyldarda kıberqaýipsizdikti damytýdy nyqtap qolǵa aldy. Taǵy birer jylda ózge memleketterge úlgi bolarlyq ister atqarary anyq. Bulaı deýime negiz bar. Elimizdiń kıberqaýipsizdik turǵysynan alǵan reıtıngtegi pozıııasy bar-joǵy úsh jyldyń ishinde 103-shi orynnan 31-shi orynǵa kóterildi. Memlekettiń múddesinen bólek jeke sektordyń jaı-kúıi qalaı degen qalypty saýal týatyny anyq. Aqparattyq qaýipsizdik komıtetine kıberqaýipsizdik salasyndaǵy memlekettik saıasatty iske asyrý mindeti júktelgen. Sol jaqtan jetken habar boıynsha, búgingi tańda Qazaqstanda 40-qa jýyq kompanııa, sondaı-aq 19 jeke qaýipsizdik operaııalyq ortalyǵy, 7 jeke akkredıttelgen synaq zerthanasy, 8 joǵary oqý orny jáne kıberqaýipsizdik máselelerimen aınalysatyn 25 orta oqý orny bar eken.
Demek, «Qazaqstan kıberqalqany» ulttyqkıberqaýipsizdik tujyrymdamasy jemisin berip jatyr.
