«Atajurt» eriktiler uıymynyń jetekshisi Serikjan Biláshtiń ústinen qylmystyq kodekstiń 174 baby – «arazdyq qozdyrý» aıyby boıynsha qylmystyq is qozǵaldy. Bul týraly bureau.kz habarlap otyr.
Qylmystyq isti qozǵaýǵa 18 adam qol qoıǵan ujymdyq hat negiz bolǵan. Ázirshe Serikjan Biláshti bir ret tergeý amaldaryna shaqyrǵan.
Serikjan Bilásh – Qytaıdan Qazaqstanǵa oralǵan etnıkalyq qazaq. Onyń "Atajurt" qozǵalysy (Almatyda ornalasqan) Qazaqstanǵa oralǵan qandastarymyzǵa zańdyq kómek kórsetedi. Jumystarynyń negizgi baǵyty Qytaıdaǵy etnıkalyq qazaqtardyń janaıqaıyna elimiz ben shetelderdiń nazaryn aýdartý. Solardyń ishindegi eń tanymaly – «Atajurttyń» qoldaýyna baılanysty qoǵamda rezonans týdyrǵan Saıragúl Saýytbaıǵa qatysty isi. Saıragúl Saýytbaı qazaqstandyq shekarany zańsyz kesip ótkeni úshin sotqa tartylyp, ony sot proesi kezinde belgili zańger Abzal Quspan óz qorǵaýyna alǵan bolatyn. Qazirgi kezde Saıragúl Saýytbaı «pana izdeýshi tulǵa» mártebesinde júr (onyń mártebesi 2019 jyldyń 25 sáýirine deıin sozyldy).
"Adyrna" ulttyq portaly
