Taldyqorǵan qalasyndaǵy Nazarbaev Zııatkerlik mektebinde Ákeler forýmy ótti. Bul is-sharaǵa 100-den astam ákeler qatysty.
Ulttyq qundylyqtar men otansúıgishtik, balalardyń emoıonaldyq tárbıesindegi erlerdiń róli, ómirlik daǵdylar taqyryptary talqylandy.
Qatysýshylardyń pikirinshe, álemde «sanaly ákelik» jańa tendenııa paıda bolýda.
Bul kúni túrli sala men mamandyq ıeleri bir suhbat alańynda bas qosyp, bala tárbıesindegi ózekti máselelerdi talqylap, bala tárbıesindegi tájirıbelerimen bólisti. Pedagog-psıhologtar men kýrator-uıymdastyrýshylar máselelerdi sheshý boıynsha óz usynystaryn bildirdi.
Áke balasy úshin - úlgi. Bala eń aldymen óz ata-anasynyń úlgisinen ómirdiń qurylymy týraly naqty qorytyndy jasaıdy. Árıne, ul úshin áke ónegesi minez-qulqy men bolashaq ómirlik ustanymyn qalyptastyrýǵa úlgi bolsa, ana bolsa qyzyna úlgi bolýy kerek, - deıdi 8 - synyp oqýshysy Aıala Akımjanovanyń ákesi Nurym Akımjanov.
Pedagogıkalyq jaǵdaıattardy sheshý, sonymen qatar «Jaǵymsyz emoııalardy basqarý tehnologııasy» sııaqty praktıkalyq jattyǵýlar ákelerdiń erekshe qyzyǵýshylyǵyn týdyrdy.
Ákeler úshin shahmat, oq atý, beıneleý óneri, ústel tennısi, basketboldan sheberlik sabaqtary da uıymdastyryldy.
Forým óte qyzyqty ótti. Shynynda da, biz qundy aqparat ala aldyq, naqty ómirlik jaǵdaılardy taldap, sheshimderdi birge taptyq. 21 ǵasyr ákesi – otaǵasy ǵana emes, aqylshy, tárbıeshi ekenine kózim jetti, – dep áńgimesin ata-ana Asqar Dúısenbıev túıindedi.
