Qazaqstanda búgin de erekshe qajettiligi bar adamdar úshin olardyń quqyǵyn qorǵaýǵa baǵyttalǵan barlyq jaǵdaı jasalǵan. Máselen, erekshe qajettiligi bar adamdarǵa arnalǵan aqparattyq portaly 35 myńnan astam áleýmettik ınfraqurylym obektileriniń beıimdelýi týraly málimetterdi qamtıdy.
Atalǵan nysandar qol jetimdiliktiń 3 sanatyna bólinedi: qol jetimdi, ishinara qol jetimdi, qol jetimdi emes. Adam aǵzasy fýnkııalarynyń buzylýynyń sıpatyna baılanysty múmkindigi shekteýli adamdardyń 4 sanaty úshin qoljetimdilik eskeriledi: estý, kórý qabileti buzylǵan adamdar, tirek-qımyl apparaty jáne tek kreslo-arbalarda qozǵalý múmkindigi bar adamdar. Osy josparlar sheńberinde múgedektigi bar adamdar úshin obektilerdiń qoljetimdiliginiń jaı-kúıin baǵalaý júrgiziledi.
Erekshe jandardyń quqyqtary týraly konvenııany ratıfıkaııalaý boıynsha jumystardy tıimdi uıymdastyrý sheńberinde QR-da 2025 jylǵa deıin LSI quqyqtaryn qamtamasyz etý jáne ómir súrý sapasyn jaqsartý jónindegi Ulttyq jospar qabyldandy, ol 7 baǵytty qamtıdy jáne 64 is-sharadan turady. Ol atalǵan jumys sheńberinde OSK-men birlesip, Múmkindigi shekteýli azamattardyń belsendi jáne passıvti saılaý quqyǵyn iske asyrý úshin jaǵdaılar jasaldy.
Tekserýler QR Kásipkerlik kodeksine sáıkes kásiptik baqylaý nysanynda, baratyn baqylaý obektileriniń jartyjyldyq tizimderine sáıkes jáne jeke jáne zańdy tulǵalardyń ótinishteri negizinde jospardan tys júzege asyrylady. Tekserý paraqtarynyń negizgi talaptary LSI-di kedergisiz qol jetimdilikpen qamtamasyz etý bolyp tabylady. Bul, eń aldymen, syrtqy baspaldaq, pandýstar, kirý alańy, kireberis jáne ishki esikter, esik tabaldyryǵy, baspaldaqtar sııaqty elementtermen sıpattalady. Buryn bul nysandarǵa kóbirek nazar aýdarylǵan. Al qazir memleket tarapynan avtoturaqtardan, aıaldamalardan, avtobýstardan bastap nysandarǵa, sondaı - aq saýda ortalyqtaryna, bazarlar men vokzaldarǵa kirýge nazar aýdaryp jatyr. Sonymen qatar, garderob, tirkeý, anyqtama, kassalar jáne basqa da qyzmet kórsetý oryndary sııaqty qyzmet kórsetý aımaqtaryna qol jetimdilikti qamtamasyz etý boıynsha jumystar júrgizilýde. Odan bólek, erekshe qajettiligi bar adamdar mádenı-oıyn-saýyq is-sharalaryna, dene shynyqtyrý jáne sportpen shuǵyldanýǵa arnalǵan sport ǵımarattaryna qıyndyqsyz qol jetkizý sharalary qolǵa alyndy.
Erekshe qajettiligi bar adamdar úshin ómir súrý sapasyn jaqsartý maqsatynda jasalyp jatqan jumystar munymen shektelmeıdi. Máselen, vokzaldar men áýejaılarda kedergisiz orta qurý, temirjol quramdaryn arnaıy vagondarmen jaraqtandyrý, kólik qyzmetkerlerin múmkindigi shekteýli jandarmen qarym-qatynas jasaý jáne qyzmet kórsetý daǵdylaryna oqytý, vokzaldarda, áleýmettik-mádenı sala obektilerinde, sondaı - aq alańdarda, dańǵyldarda, kóshelerde, kvartaldarda tegin turaq oryndaryn bólý sııaqty sharalar búgin de tolyqtaı qolǵa alynyp, nátıjesin berip jatyr. Sonymen qatar, erekshe qajettiligi bar adamdardyń jumys ornynyń jabdyqtaryna jáne óndiristik ortasyna qoıylatyn biryńǵaı talaptardy aıqyndaý, olardyń qoǵamnyń eńbek ómirine tabysty engizý maqsatynda jumys ornynyń standarttary bekitilgen. Sebebi ár jyl basynda Memleket basshysy erekshe qajettilikteri bar adamdardyń suranysqa ıe obektilerge kedergisiz qol jetkizýin qamtamasyz etýdi tapsyryp keledi. Bul rette, Prezıdent júıe arnaıy qaǵıdat boıynsha jumys isteýi tıis ekenin atap ótken edi.
