Taldyqorǵan qalasyndaǵy akkýmýlıator óndiretin "Qaınar - AKB" zaýytynda ótken brıfıngte zaýyttyń ekonomıkalyq ahýalyna tikeleı baılanysty másele qaraldy, dep jazady "Adyrna" ulttyq portaly.
Ol – 2018 jyly logıstıkalyq shyǵyndy azaıtý jáne taýardy ýaqtyly jetkizý maqsatynda temir jol oryny jáne birneshe lokomatıvi bar «Temir Serik» JShS satyp alynǵan. JShS-nyń 100 paıyz akııasyn 440 mıllıon teńgege satyp alynǵan soń bir jyldan soń akıonerlermen kelispesten zaýyttyń burynǵy dırektory ony 60 mıllıon teńgege qaıtadan satyp jibergen.
«Qaınar-AKB» JShS bas dırektorynyń orynbasary, ekonomıkalyq qaýipsizdik qyzmeti basshysy Sharhanbek Ińkárbekov zaýyttyń burynǵy basshylary tarapynan kásiporynǵa "shabýyl" jasalyp otyrǵanyn aıtady. Sonyń saldarynan óndiris ónimdiligi tómendep bara jatqanyn da jetkizdi.
«Sottyń zańsyz sheshimi saldarynan kásiporyn úlken shyǵynǵa ushyraǵaly tur. Sebebi, qalamyzdaǵy daıyn taýarymyzdy tasymaldap kele jatqan temir jolǵa qatysty mekememiz ádiletsiz sot sheshimi saldarynan jekeniń qolyna ótpekshi. Mundaı jaǵdaıda zaýyt úlken shyǵynǵa batady. Munyń aqyry jumysshylardyń jalaqysynyń azaıýyna ákelýi múmkin», — deıdi Sharhanbek Ińkárbekov.
Onyń sózinshe temir jol toraby zaýytta óndirilgen akkýmýlıatorlardyń ózindik shyǵynyn azaıtyp, tez jetkizý nysany bolǵan. Eger ol basqa adamnyń qolyna ótip ketken bolsa, onda erteńgi kúni bizden alýshylarǵa taýarymyz belgili bir paıyzda qymbattap barady. Al bizden alatyn dúkender basqa memlekettik arzan taýaryn tańdap ketýi múmkin. Taǵy bir sebep - jeke tulǵanyń qolynda bolǵan soń temir jol torabynyń kútimi de saı bolmaıdy. Burynǵy ıesinde bolǵan kezde jol apaty jylyna tórt ret bolǵan bolsa, zaýyt qaramaǵyna ótken soń birde bir apat bolmaǵan. Óıtkeni zaýyttyń mundaı úlken nysandy qarjylandyryp, qaýipsizdik erejesin saqtaýǵa múmkindigi bar. Al jekelegen adamdarda bolsa, onda strategııalyq turǵyda Taldyqorǵan qalasyna tıimsiz. Barlyq qajetti zattar sol temir jolmen keledi. Qalanyń eń iri jalatý qazandyǵy «Basqýatqa» kómir kelse, eń aıaǵynda kommerııalyq azyq-túlikke deıin ýaqytyly kelmeı qalý qaýipi bar.
Osydan keıin kásiporynnyń qazirgi basshylary atalǵan máselege baılanysty quzyrly organdarǵa shaǵymdanyp, qylmystyq is qozǵalǵanyn aıtady. Qazirgi ýaqytta sot proesi júrip jatyr.
"Adyrna" ulttyq portaly
