Qasym-Jomart Toqaev Fınlıandııanyń Syrtqy saýda jáne halyqaralyq damýdy qoldaý mınıstri, Saýda-ekonomıkalyq yntymaqtastyq jónindegi qazaq-fın úkimetaralyq komıssııasynyń teń tóraǵasy Vılle Skınnarıdi qabyldady. Bul týraly Aqordanyń baspasóz qyzmeti jazdy, dep habarlaıdy «Adyrna» tilshisi.
Memleket basshysy mınıstrge iltıpat bildire otyryp, fın delegaııasynyń sapary ekijaqty yntymaqtastyqqa tyń serpin berý turǵysynan mańyzdy ekenin atap ótti.
Prezıdenttiń aıtýynsha, dıplomatııalyq qarym-qatynas ornaǵan 30 jylda Fınlıandııa Soltústik Eýropa memleketteri arasynda ekonomıkamyzǵa eń kóp ınvestıııa quıǵan ekinshi elge aınaldy. Sonymen qatar Fınlıandııanyń Ortalyq Azııa elderimen saýda aınalymynyń 90 paıyzy Qazaqstanǵa tıesili.
Qasym-Jomart Toqaev eki memlekettiń saýda-ekonomıkalyq, kólik-logıstıka jáne bilim berý salalaryndaǵy seriktestigin nyǵaıtý mańyzdy ekenin atap ótti. Memleket basshysy fın kásipkerleriniń Qazaqstanǵa quıatyn ınvestıııasyn ulǵaıta túsý úshin jan-jaqty qoldaý kórsetýge daıyn ekenin jetkizdi.
Óz kezeginde Vılle Skınnarı qurmetpen qabyldaǵany úshin Qasym-Jomart Toqaevqa alǵys aıtyp, eki el arasyndaǵy yntymaqtastyqty keńeıtýge áleýet mol ekenin málimdedi.
Mınıstr Qazaqstanǵa saparmen kelgen delegaııa quramynda Nurminen Logistics Plc, Nokia, EastCham Finland, Business Finland, Lamor, Wärtsilä Finland, PayIQ, EPSE sekildi 15 iri fın kompanııasynyń ókilderi bar ekenin jetkizdi. Aldaǵy kezdesýler barysynda saýda-ekonomıkalyq baılanystardy nyǵaıtý máseleleri talqylanady.
Budan bólek, fın tarapy Astanadaǵy Fınlıandııa elshiligi janynan Ortalyq Azııa elderiniń azamattaryna qyzmet kórsetetin vıza habyn ashady.
Áńgimelesý barysynda halyqaralyq jáne aımaqtyq kún tártibindegi ózekti máseleler de talqylandy.
Qasym-Jomart Toqaev Fınlıandııa Prezıdenti Saýlı Nıınıstıoge izgi tilegin joldap, Qazaqstanǵa resmı saparmen kelýge shaqyrdy.
