Qazaqstannyń belgili memleket jáne saıası qaıratkeri Berdibek Saparbaev QR Eńbek jáne halyqty áleýmettik qorǵaý mınıstrliginiń qyzmetkerlerimen kezdesý ótkizip, memlekettik qyzmettegi óz tájirıbesi týraly aıtyp berdi, dep habarlaıdy «Adyrna» tilshisi mınıstrliktiń baspasóz qyzmetine silteme jasap.
Ol Eńbekmıniniń jas qyzmetkerlerimen memlekettik qyzmettegi jumys tájirıbesimen bólisip, suraqtaryna jaýap berdi. Kezdesý barysynda QR Eńbek jáne halyqty áleýmettik qorǵaý mınıstri Tamara Dúısenova Berdibek Saparbaevqa "Eńbek ardageri" medalin tabys etti.
Aıta keteıik, ár jyldary Berdibek Saparbaev túrli memlekettik jáne saıası laýazymdy atqardy, onyń ishinde respýblıkanyń 5 óńirin basqardy, eki ret QR Eńbek jáne halyqty áleýmettik qorǵaý mınıstri jáne QR Premer-mınıstriniń orynbasary boldy.
