inDrive halyqaralyq kompanııasy iQanat bilim qorymen birlese Almaty oblysy Shengeldi aýylynyń oqýshylaryna arnalǵan «Tálimgerlik» baǵdarlamasyn ótkizdi. Maqsaty – oqýshylardy ártúrli baǵyttaǵy mamandyqtarmen tanystyrý jáne ózi qalaǵan mamandyǵyn tańdaýǵa kómek kórsetý bolyp tabylady. Joba korporatıvtik áleýmettik jaýapkershilik pen korporatıvtik eriktilik baǵdarlamasyn damytý aıasynda júzege asyryldy.
Eki kún boıy digital dızaınerler, iOS ázirleýshiler, marketolog, IT-ınfraqurylymynyń ınjeneri, zańger men psıholog syndy ártúrli baǵyttaǵy kásipqoı mamandar «Shengeldi aýylynyń K.Jalaıyr atyndaǵy №6 orta mektebiniń» joǵary synyp oqýshylary aldynda sóz sóıledi. Olar mamandyqtar naryǵyndaǵy ózekti mamandyqtar jáne sol mamandyqtarǵa qajetti daǵdylar týraly, sonymen qatar ózderiniń jeke kareralarynyń qalyptasýy týraly áńgimelep berdi. Jalpy alǵanda 13 ártúrli taqyryp qamtyldy. Dáriskerler men trenerler - inDrive kompanııasynyń qyzmetkerleri.
Grafıkalyq jáne veb-dızaıy boıynsha sheberlik sabaǵynda balalar saıttar jasap, Figma grafıkalyq redaktorda sýret salyp kórdi. Qyzyqty dáristerde zańger mamandyǵy týraly málimet alyp, bloger bolýdyń basymdyǵy týraly bildi.
Aqparattyq tehnologııalar men tulǵalyqty damytýǵa arnalǵan dárister úlken qyzyǵýshylyq týdyrdy. Dáriskerler derekterdi taldaý sııaqty qazirgi IT-baǵyttar, IT-qurylymda óz jolyn qalaı bastaý jáne IT-ınfraqurylymnyń ınjeneri mamandyǵy týraly aıtyp berdi.
Sonymen qatar, tálimgerler jeke ári ómirlik qaǵıdattarymen, mysaly, shet tilderdi úırenýdiń mańyzdylyǵy, salaýatty ómir saltyn ustaný, jańa orynǵa qalaı beıimdelý kerek týraly oılarymen bólisti. Oqytýdyń sońynda oqýshylarmen ózin-ózi taný boıynsha psıhologııalyq trenıng ótkizildi.
Baǵdarlamaǵa qatysýshy, 10 synyp oqýshysy Arýjan Qoshqarbaı: «10-synypta oqı tura, ártúrli baǵyttaǵy mamandyqtarmen tanysý ári olardyń kareralyq tarıhyn tyńdaý – bul úlken syı. Men úshin kásibı psıhologpen, inDrive kompanııasynda beıimdelý jónindegi mamanmen ótkizilgen ózin-ózi taný boıynsha trenıng erekshe boldy, biz jeke qalaýlarymyzdy talqyladyq, olardy ózimizdiń boıymyzdaǵy daǵdylarmen salystyrdyq, tipti ǵalamshar úshin mıssııalardy talqyladyq. Osy bir-eki kún ishinde meniń kásibı damytýshylyqty tańdaý týraly oı-órisim keńeıdi», - dep óz oıymen bólisti.
Sondaı-aq bilim berý bóligimen qatar, shyǵarmashylyq ta boldy: tálimgerler dıdjeıng, breık-dans, kórkem sýret boıynsha sheberlik sabaqtaryn ótkizdi.
“inDrive Qazaqstanda 2022 jyldan bastap «Tálimgerlik» jobasyn júzege asyrady. Jarty byl ishinde Almaty oblysy men Almaty qalasynda 4 kásibı baǵdarlaý uıymdastyrdy jáne oǵan 60 oqýshy qatysty. 2023 jyldyń sońyna deıin Almaty oblysynyń aýyldarynda taǵy 3 baǵdarlamany ótkizýdi, sonymen qatar jańa joba – uzaq merzimdi jeke tálimgerlik baǵdardamasyn iske qosýdy josparlap otyrmyz», - deıdi joba basshysy Ersaın Kabdrashev.
Jobanyń qysqa merzimdi josparynda oqýshylar qazirgi mamandyqtar men suranysqa ıe ári jańa mamandyqtar týraly kóp málimet alý, zamanaýı ómirge sátti beıimdelý úshin qajetti daǵdylardy alý kózdelgen. Uzaq merzimdi jospar – bul shalǵaı eldi mekenjerdegi jastardy karera jasaýda, bastapqy bilim men eńbek jolynda irgetasyn qalaý múmkindikterin qoldaýdyń, sonymen qatar kóshbasshylyq daǵdylaryn damytýdyń bastamasy.
Kompanııa týraly:
inDrive – AQSh, Kalıfornııa, Maýntın-Vıýdegi shtab-páterdegi kólik jáne qalalyq qyzmetterdiń jahandyq platformasy. nDrive qoldanbasy álemde saparlarǵa tapsyrys berý úshin júkteletin qoldanbalardyń ishinde ekinshi orynda, qoldanba 150 mıllıonnan astam ret júktelgen. inDrive saparlardan basqa, qalaaralyq jáne júk tasymaldaýdy, masterdi shaqyrýdy, kýrerlik jetkizý men jumys izdeýdi qamtıtyn qalalyq qyzmetter tizimi bar.
inDrive 47 eldiń 700 astam qalalarynda qoldanylady. Kompanııa óziniń shartty tólem modeliniń jáne qoǵamdastyqty qolaý baǵdarlamasynyń kómegimen jelilik qoǵamdastyqty qoldaıdy, bul oǵan bilim, sport, óner men ǵylym, genderlik tepe-teńdikti jáne ómirde mańyzdy bastamalardy jaqsartýǵa kómegin beredi.
Tolyq aqparatty www.inDrive.com kórýge bolady
