Almatyda aktrısa qaza tapqan jol apatyna qatysty jańa derek shyqty. Bul týraly qaza tapqandardyń biriniń ápkesi aıtyp berdi. Jol apatynan qaza tapqan Dınara Hamıtovanyń ápkesi Aıdana Shaıahmetova taıaýda zardap shekken tarapqa sotqa joldanǵan materıaldardyń kóshirmesi berilgenin aıtady.
Alaıda keıbir pýnkter onyń narazylyǵyn týdyryp otyr.
Aıta keteıik, osy is boıynsha sot aldynda 34 jastaǵy Ilııas Kar jaýap berip jatyr.
"Saraptama júrgizýshiniń qanynda alkogoldiń bolǵanyn rastamady. Qan 2018 jyldyń 30 jeltoqsanynda alynǵan, biraq zerthanaǵa 2019 jyldyń 4 qańtarynda ǵana joldanǵan. Al saraptama nátıjesi 11 qańtarda shyqqan. Iaǵnı saraptamany 10 kúnnen asa ýaqyt júrgizgen. Sondaı-aq, narkologııalyq saraptama alýdyń múmkin bolmaǵany aıtylady. Aıtýlarynsha, zertteý júrgizýge qan jetkilikti bolmaǵan. Sonda tájirıbesi bar adam nege sonsha az qan alǵan jáne zerthana mamandary nelikten qannyń az ekenin birden aıtpaǵan? Mundaı saraptamany birinshi ret júrigizip otyr ma?", - deıdi Aıdana Shaıahmetova.
Alaıda munyń aldynda polıeıler júrgizýshiniń mas bolǵanyn rastaǵan edi. "Júrgizýshi (Gelandewagen - avtor.) qaıǵyly jaǵdaı aldynda Grand Opera túngi klýbynda bolyp, ol jaqtan mas kúıde shyqqan", - degen edi Almaty qalalyq polıııa departamenti basshysynyń orynbasary Izbasar Bekturov. Muny ol 11 qańtarda rastaǵan bolatyn. Sondaı-aq, polıeıler bastapqyda jol apatynan keıin Gelandewagen júrgizýshisiniń ustalyp, ýaqytsha ustaý ızolıatoryna qamalǵanyn aıtqan edi.
"Alaıda, qujattarǵa sáıkes, ol polıııaǵa ózi barypty. Bul úkim shyǵararda áser etpeı me", -deıdi Aıdana Shaıahmetova.
Almaty qalalyq prokýratýra ókilderiniń málimetinshe, Ilııas Kar jol erejesin buzyp, abaısyzda úsh adamnyń ólimine ákelgen jol apatyn jasap, jol-kólik oqıǵasy bolǵan jerden ketip qaldy dep aıyptalyp jatyr (QR Qylmystyq kodeksiniń 345-babynyń 4-bóligi men 347-bap).
Alaıda, Shaıahmetovanyń aıtýynsha, tergeýshi is-materıalyna Ilııas Kardyń QR Qylmystyq kodeksiniń 119-babyna sáıkes ("Qaýipti jaǵdaıda qaldyrý" aıypty dep tanylatynyn qospaǵan.
"Joǵaryda aıtylǵandardyń barlyǵynan tergeý ádil emes júrip jatyr degen oı keledi. Osydan keıin istiń "erekshe baqylaýǵa" alynýy máselesi qalaı júrip jatyr degen suraq týyndamaı ma?", - deıdi Aıdana Shaıahmetova.
Eske salaıyq, 29 jeltoqsanda bolǵan bul jol apatynan aktrısa Sholpan Elgezekova men onyń qurbysy Dınara jáne jeńil kólik júrgizýshisi qaza tapqan edi. Oqıǵa bolǵan kúnniń ertesi jol-kólik oqıǵasynyń beınebaqylaý kamerasyna túsip qalǵan vıdeosy paıda boldy. Vıdeo kadrlaryna qaraǵanda, Mitsubishi Galant baǵdarshamnyń jasyl túsi janǵanda Seıfýllın boıymen qozǵalysty bastaǵan, osy sátte Abaıdyń boıymen asqan jyldamdyqpen kele jatqan Mercedes Gelandewagen ony soǵyp ótken. Jeńil kólik soqqydan birneshe metrge deıin ushyp ketken. Mercedes Gelandewagen júrgizýshisi oqıǵa bolǵan jerden qashyp ketken. Alaıda keshe, 30 jeltoqsanda ony polıeıler ustaǵan. Keıin onyń mas bolǵany anyqtaldy. Artynsha júrgizýshiniń eki aıǵa qamalǵany habarlandy. Oqıǵa bolǵan kúnniń ertesi jol-kólik oqıǵasynyń beınebaqylaý kamerasyna túsip qalǵan vıdeosy taralǵan edi.
