Qazaqstannyń Syrtqy ister mınıstrligi Túrkııadaǵy zilzalada qaza tapqan jáne zardap shekken otandastarymyz týraly aıtty, dep habarlaıdy «Adyrna» tilshisi.
Vedomstvo Hataı provınııasynyń Antakıa qalasynda úı qulaýy saldarynan qaza tapqan Ádil Qadyrbekov pen Mırbolat Qurmashevtiń denelerin Otanǵa jetkizý úshin barynsha kómek kórsetinin málimdedi. Marqumdardyń deneleri 11 aqpanda Antalııa-Almaty turaqty reısimen Qazaqstanǵa jetkiziledi dep kútilýde. Barlyq shyǵyndy memleket óz moınyna alady.
«Jer silkinisinen aman qalǵan Sabına Mamadıarova Adana qalasynyń memlekettik aýrýhanasynda em alyp jatyr. Keshe oǵan zaqymdalǵan qolyna operaııa jasaldy, densaýlyq jaǵdaıy turaqty. Dıplomattar emdeýshi dárigerlermen turaqty baılanysta, qajetti medıınalyq kómek kórsetilýde. Búgin konsýl oǵan jeke baryp qaıtady. Túrkııadaǵy jer silkinisi saldarynan bolǵan qıraýlar týraly habardan beri Mınıstrliktiń táýlik boıy jumys isteıtin «jedel jelisine» 1 myńnan astam qońyraýlar túsip óńdeldi. Negizinen Túrkııa aýmaǵynda týystaryn tabý týraly ótinishter tústi.
Sonymen qatar Túrkııadaǵy dıplomattarymyzǵa qońyraýlar men ótinishter túsip jatyr, olar osy birneshe kún ishinde 150-den astam otandastyń ornalasqan jerin anyqtap, Qazaqstandaǵy týystarymen baılanys ornatýǵa kómektesti»,—delingen habarlamada.
Sońǵy 4 kúnde Gazıantep, Mersın, Kahramanmarash, Dııarbakyr, Shanlyýrfa, Adana, Konıa jáne Elıazyk provınııalarynan 124 Qazaqstan azamaty shyǵaryldy, onyń ishinde 58 Qazaqstan azamaty Astanaǵa repatrıaııalyq reıstermen jetkizildi.
