Qazaqstan qutqarýshylar úıindilerdiń astynan úsh tiri adamdy shyǵardy. Bul týraly TJM baspasóz qyzmeti jazdy, dep habarlaıdy «Adyrna» tilshisi.
Vedomstvo ekinshi eshelon Túrkııaǵa kelgen sátten bastap táýlik boıy qutqarý jumystaryn júrgizip jatqanyn atap ótti. Olarǵa izdeý orny Gazıantep qalasynan 69 shaqyrym jerde ornalasqan Nýrdagy qalasyndaǵy tolyǵymen qıraǵan ǵımarat bekitilgen.
Bul nysanda qazaqstandyq qutqarýshylar adamdardyń ornalasqan jeri men jaı-kúıin anyqtaý, úıindiler astynda zardap shekkendermen aýdıo baılanys ornatý, qajetti kómektiń kólemi men sıpatyn anyqtaý boıynsha jumystaryn júrgizdi.
«Mamandar úlken tereńdiktegi úıindilerdiń astynan zardap shekkenderdi evakýaııalaý úshin jol ashý jumystaryn oryndap, jedel jáne saýatty is - qımyldyń, sondaı - aq zardap shekkenderdi bloktan shyǵarý boıynsha ýaqtyly qabyldanǵan sharalardyń nátıjesinde búgin túnde kólemi 18 myń tekshe metrden astam úıindiniń astynan úsh tiri adamdy - er adam men eki áıeldi shyǵarýǵa múmkindik týdy. Adamdar dereý medıınalyq qyzmetterine jetkizildi»,—dedi Tótenshe jaǵdaılar mınıstrligi.
<
