Ulttyq bank basshysy Danııar Aqyshev úkimettiń keńeıtilgen otyrysynda memleketten nesıe alǵan kompanııalardyń qarjyny qaıtarmaı jatqanyn aıtty. Elbasy qaryz mólsheri ulǵaıyp jatqanyn jetkizgen sheneýnikti silkiledi.
Aqyshev óz kezeginde bul aqparatty rastady. Onyń aıtýynsha, kóptegen kompanııalar qaryzdy áli qaıtarmaı jatsa da, jumysyn toqtatpaǵan.
"Biz olarǵa nesıe beremiz be, álde tártip ornatamyz ba? Qansha qaıtarmady, solaı júre beredi" ,- dedi prezıdent.
Elbasy jaǵdaı ózgermese, qylmystyq is qozǵap, qarjyny qaıtarý kerektigin aıtty.
"Men baqylaý komıtetin qurýdy usynǵanda, sen "ózimniń qolymnan keledi" dediń. Endi baqyla óziń. Zań shyqty. Árbir akıoner óz bankinen aqsha urlaıdy. Sosyn artynan júgirip júremiz. Biz qaıda boldyq? Bul jaman jumys" , - dedi memleket basshysy.
