ARMAN ÁLMENBET: Balań qazaqsha bilmese jáne sony maqtan kórseń, onda sen ekinshi sortsyń!

4679
Adyrna.kz Telegram

Biz, ıaǵnı, qazaqsha ósken qazaqtar, ózimizdi ekinshi sort sezinemiz. 99%-ymyz sondaımyz. Ony aıtpasaq ta, attap basqan saıyn isimizben, sózimizben kórsetip qoıamyz. Mysaly...

Eger sen bankomatqa barǵanda orys tilin tańdasań;

Eger sen bir mekemege barǵanda, qońyraý shalǵanda aldymen oryssha sóıleseń;

Eger sen Áıgerimdi Aıgera, Aınurdy Aınýra deseń (óıtkeni orystardyń attary Natasha, Lena, Sasha, Ksıýsha ǵoı), ata degendi atashka (dedýshka), áje degendi ájeka (babýshka), apa/ápke-sińili/qaryndas degendi sestra deıtin bolsań;

Eger sen balańa at qoıǵanda á, i, ń, ǵ, ú, u, q, ó, h degen áripteri joq attardy tańdaýǵa tyryssań;

Eger sen ınstagramdaǵy óziń týraly aqparatty oryssha jazyp qoıatyn bolsań;

Eger sen birnárse satatyn kezde market pleısterge, ýatsap toptarǵa, ártúrli qoldanbalarǵa jarnama bergende ony oryssha jazsań;

Eger sen oryssha sóılegen adammen sypaıy sóılesip, qazaqsha sóılegen adamdardy basyna sóıleıtin bolsań;

Eger sen qazaqsha kitap oqymasań, ıýtıýbtan qazaqsha vıdeolardy ashpaıtyn bolsań, qazaqsha shyqqan kınolardy mensinbeseń, tek oryssha ne aǵylshynsha kontentti ǵana qyzyqtasań;

Eger sen balańdy orys synybyna berseń;

Balań qazaqsha bilmese jáne sony maqtan kórseń

onda sen EKINShI SORTSYŃ jáne soǵan kóndikken adamsyń.

Aýrýdy emdeý úshin moıyndaý kerek. Eger ekinshi sort ekeniń ras bolsa, onda sony moıynda da, joǵarydaǵy ádetterińnen qutylyp, kerisinshe iste.

Qazaq bolý degen basqalardy jek kórý emes, ózińniń tabıǵatyńa saı bolý degen sóz. Óz-ózińdi qor sezinbe, basyńdy kóterip júr, bir-birińdi qolda, belsendi bol. Myna el bizdiki. Biz qazaqsha sóılesip, qazaqsha ómir súretin baqytty elge aınalýymyz kerek.

Arman Álmenbet

Pikirler