Qazaqstan Premer-Mınıstri Álıhan Smaıylov Almatyda ótip jatqan EÚAK otyrysy aıasynda Reseı Úkimetiniń tóraǵasy Mıhaıl Mıshýstınmen kezdesti, dep habarlaıdy «Adyrna» tilshisi.
Álıhan Smaıylov QR men RF arasynda ekonomıkalyq kooperaııa qarqyndy damyp, ózara saýda-sattyq deńgeıi arta túskenin jáne birlesken jobalar iske asyrylyp jatqanyn aıtty. Bul rette eki el kóshbasshylary arasyndaǵy belsendi saıası dıalogtyń Qazaqstan-Reseı áriptestiginiń barlyq salalarynda joǵary qarqyndy qamtamasyz etip otyrǵany atap ótildi.
Kezdesýde ótken jyldyń 11 aıynda ózara taýar aınalymy 2021 jyldyń sáıkes kezeńimen salystyrǵanda aıtarlyqtaı óskeni aıtyldy. Sonymen qatar ónerkásiptik kooperaııanyń damý qarqyny jaqsy, onyń aıasynda jalpy quny $1 mlrd-qa jýyq 26 birlesken joba iske asyryldy. Buǵan qosa quny shamamen $23 mlrd bolatyn 84 iri joba iske asyrylýda jáne pysyqtalý satysynda. Osy jobalardyń aıasynda 24 myń jumys orny qurylady dep kútilýde.
«Bul Qazaqstan-Reseı yntymaqtastyǵynyń zor áleýetin kórsetedi, biz ony belsendi túrde qoldap, damytýymyz qajet», — dedi Álıhan Smaıylov.
Óz tarapynan Mıhaıl Mıshýstın eki el úkimetteri turaqty baılanysta ekenin jáne ózara memleketaralyq baılanystardyń asa mańyzdy mindetterin ýaqytyly sheship otyrǵanyn atap ótti.
«Negizgi basymdyqtarymyzdyń biri – Qazaqstanmen qarym-qatynasty ári qaraı nyǵaıta túsý. Bizdiń yntymaqtastyǵymyz dostyq, strategııalyq seriktestik jáne odaqtastyq prınıpterine negizdelgen. Eki el arasynda ózara saýda-sattyq tabysty damyp keledi. Bul rette biz ónerkásip, mashına jasaý, energetıka, kólik jáne basqa da salalarda jańa óndiristik tizbekter qurýdy jedeldetý mańyzdy dep sanaımyz», — dedi Mıhaıl Mıshýstın.
