Qańtar oqıǵasy kezinde prezıdent Qasym-Jomart Toqaev pen sol kezdegi UQK tóraǵasy Kárim Másimovtiń oqqaǵarlary arasynda tóbeles boldy. Bul týraly Orda News jazdy, dep habarlaıdy «Adyrna» tilshisi.
Derekkózdiń aıtýynsha, Aqordada qańtardyń úshinshi kúni naǵyz qyrǵyn boldy. Toqaev pen Másimovtiń jeke saqshylary tóbelesti.
Jalpy Másimov Aqorda men Qazaqstandy shuǵyl túrde tastap ketý týraly ótinishpen Toqaevqa birneshe ret kelgen. Belgili bolǵandaı, ol kún saıyn, 1 jáne 2 qańtarda qaıtalaǵan. Al bas tartqan saıyn narazylyq deńgeıi arta tústi.
Qazaqstan prezıdenti rezıdenııasynda alǵash ret qan tógildi. Al úshinshi qańtarda Toqaev pen Másimov saqshylary arasynda tóbeleste pyshaq qoldanyldy. Tipti qaıtys bolǵandar da bar. Bir kezderi kúres aıaqtalyp, prezıdent saqshylary jeńiske jetti.
Toqaev pen Másimov aınalasyndaǵylar úshin kútpegen jerden ekeýi de biletin qytaı tilinde sóıledi. Qalǵandar túsinbegen dıalogtyń sońynda Másimov orys tilinde: «Men ne isteýim kerek?»— dedi. «Birdeńe isteýge tym kesh»,— degen Toqaev oǵan. Úsh kúnnen keıin Kárim Másimov qamaýǵa alyndy.
Gúlnár Bajkenova «bizge qaıǵyly oqıǵa týraly shyndyqtyń tolyq aıtylmaǵanyn eskersek» bul oqıǵany aıtýǵa quqyǵy bar ekenin aıtady.
Ol sondaı-aq bul oqıǵany eshkim rastamaıtynyn, al eger rastalsa da «100 jyldan keıin» bolatynyn málimdedi. Sondyqtan sený nemese senbeý árkimniń óz isi.
