Túrkistan oblysynda aýyl ákimi sý ortasynda qalǵan júkti áıel men balany beline arqan baılap qaýipsiz jerge alyp shyqty, dep habarlaıdy «Adyrna» tilshisi.
Oblys ákimdigi oqıǵanyń Báıdibek aýdanyndaǵy Shaıan-Myńbulaq avtojolynda bolǵanyn aıtty. VAZ-2106 avtokóligi qyrdan aqqan aǵyn sýdyń áserinen joldan shyǵyp ketken.
«Kólikte 39 jastaǵy er azamat, 33 jasar júkti áıel jáne 7 jasar bala bolǵan. Olardy Myńbulaq aýyldyq okrýginiń ákimi Ǵalymjan Ákimbaev beline arqan baılap, sý ortasynan alyp shyqty. Qazir áıel men bala aýdandyq aýrýhanada dárigerlerdiń baqylaýynda»,—dedi vedomstvo.
<