Qazaqstandyq ánshi Dımash Qudaıbergen 29 qańtarda Astanada ótken baspasóz máslıhatynda Qytaıdaǵy etnıkalyq qazaqtardyń máselesi týraly pikirin bildirdi. Baspasóz jıynynda Azattyq tilshisi ánshiden "Siz álemge Qytaı naryǵy arqyly tanyldyńyz. Qytaıdaǵy etnıkalyq qazaqtardyń máselesi jaıynda bilesiz be? Olardyń máselesin kóterý oıyńyzda bar ma? dep surady.
Dımash Qudaıbergen bul suraqqa:
- Álemniń qaı túkpirindegi qazaq bolmasyn - ózimizdiń aǵaıyndarymyz jáne olardyń taǵdyry biz úshin eshqashan qyzyqsyz bolyp qalmaıdy. Qolymnan kelse, bárin bere edim, biraq meniń qolymnan kelmeıdi, men tek ánshimin, dıplomat emespin. Qazir ózimdi tek ánshi retinde kórem. Bul máselede alańdamaıdy dep oılamańyzdar. Men de bul máseleniń tezirek sheshilgenin qalaımyn, - dep jaýap berdi.
Dımash Qudaıbergen baspasóz máslıhatyn bıyl jazda Astanada beretin "Arnaý" jeke konertine arnap ótkizdi. Jıynda ánshi óziniń shyǵarmashylyq jumystary, josparlary týraly aıtyp, jýrnalıster saýaldaryna jaýap berdi.
24 jastaǵy ánshi Dımash Qudaıbergen 2017 jyly Qytaıda ótken I Am a Singer án baıqaýynda ekinshi oryn alyp, "Azııadaǵy eń tanymal ánshi" nomınaııasy boıynsha Top Chinese Music Awards júldesin ıelengen. Sol jyly shildede Dımash Asian Music Gala júldesin "eń tanymal sheteldik ánshi" nomınaııasy boıynsha alǵan.
Qytaıdyń Shyńjań óńirinde etnıkalyq azshylyqqa, onyń ishinde etnıkalyq qazaqtarǵa qysym jasaý týraly derekter 2017 jyldyń sáýirinen bastap túsip jatyr. Azattyq Shyńjańda qamaýǵa alynǵan, Qazaqstanǵa orala almaı jatqan Qytaıdaǵy qazaqtar týraly birneshe ret jazǵan.
Dımash Qudaıbergenniń baspasóz máslıhaty
