Sırııa, Irak jáne Aýǵanstandaǵy qaqtyǵys aımaqtarynda shamamen 250 qazaqstan azamatshalary júr.
Bul týraly UQK tóraǵasynyń orynbasary Nurǵalı Bilisbekov Komıtettiń otyrysy barysynda aıtty.
"Ketip jatqandardyń basym bóligi áıelder, árıne, olar kúıeýleriniń sońynan ketedi. Qazaqstan aýmaǵynda osy úshin qylmystyq jaýapkershilikke tartylǵandar bar. Qaqtyǵys bolyp jatqan aımaqtarda qazaqstandyq áıelderdiń júrgeni jaıly málimetter bar. Biz olardyń áreketterine qylmystyq quqyq turǵysynan baǵa beremiz. Elimizge oralǵan jaǵdaıda olar qylmystyq jaýapkershilikke tartylady", - dedi Bilisbekov.
Jaqynda Prezıdent Nursultan Nazarbaev Qazaqstan azamattaryn Sırııadan evakýaııalaý jónindegi gýmanıtarlyq sharanyń aıaqtalýyna baılanysty úndeý jasaǵan bolatyn. "Bıylǵy 6 qańtarda meniń tapsyrmam boıynsha quqyq qorǵaý organdary men Syrtqy ister mınıstrligi júrgizgen gýmanıtarlyq shara nátıjesinde Sırııadan 47 azamatymyz, sonyń ishinde 30 bala elimizge qaıtaryldy. Olar daǵdarys jaılaǵan elge aldanyp baryp, terrorısterdiń tutqynynda boldy. Qazaqstanǵa kelgen soń áıelder men balalarǵa memleket tarapynan barlyq kómek kórsetildi. (...) Qaqtyǵys aımaǵynda eriksiz júrgen balalardy qaıtarý jónindegi jumystardy jalǵastyra beremiz. (...)", - degen edi Prezıdent.
