29 qańtar kúni Almatyda «Qazaqstandyq atom elektr stanııalary» JShS qoldaýymen jáne «Altyn Sapa» IPK uıymdastyrýymen «Qaıyrymdy qala turǵyndary» pikirsaıys týrnıri ótti.
Týrnır úzdik pikirsaıysshy stýdentter jınalǵan alańǵa aınaldy.
«KNPP CUP —2023» basty maqsaty jastardyń AES týraly bilimin shyńdaý jáne saýattylyǵyn arttyrý. Debat týrnırinde AES taqyrybyna baılanysty arnaıy qararlar qarastyrylyp, jastardyń bilim deńgeıiniń shyńdalýyna, jańa aqparattarmen tanysýǵa sebep bola bildi.
Debat týrnıri qos formatta jarııalanyp, jalpy sany 28 frakııa qatysty.
Fınal oıyndarynda «BP QR retinde AES boıynsha seriktes tańdaıdy» qararynda órbip, tartysty oıyn boldy. Elimizge AES salý boıynsha seriktes el tańdap, olardyń kemshin nemese artyq tustary jaıly pikirtalas boldy.
Týrnırge ál-Farabı atyndaǵy QazUÝ, Abaı atyndaǵy QazUPÝ, Kaspıı ýnıversıteti, Qazaq-Brıtan tehnologııalyq ýnıversıteti, S.D. Asfendııarov atyndaǵy QazUMÝ jáne t.b. ýnıversıtetterdiń stýdentteri qatysty.
Debat oıyndarynyń qazylar alqasynda «Qazaqstandyq atom elektr stanııalary» JShS múshesi Asýan Sııabekov, belgili mádenıettanýshy Berdaly Ospan da boldy. Olar jastardyń til tazalyǵyna, aıtylǵan aqparattardyń durystyǵyna, jalpy oıynnyń órbýine baǵa berdi.
Nátıjesinde APF boıynsha (Amerıkandyq Parlamenttik Format):
1-oryn “Potom qoıamyz” frakııasy
(QazUPÝ)
- Alımova Gúlnur
- Qonarbaıuly Ábdirahım
2-oryn
“Torfın” frakııasy
(QazUÝ jáne QazUPÝ)
- Karımov Damır
- Bekbaev Oljas
3-oryn
“Jańa Qazaqstan” frakııasy
(QazUÝ)
- Saparova Janna
- Alman Shakıra
4-oryn “Han” frakııasy
(Kaspıı ýnıversıteti men QazUÝ)
- Bahytjan Temirlan
- Abdýkarımova Aıgerim
LD (Lınkoln Dýglas) formaty boıynsha:
1-oryn
- Saparova Janna;
2-oryn
- Bahytjan Temirlan ıelendi.
Jeńimpazdarǵa «Qazaqstandyq atom elektr stanııalary» JShS demeýshilik qoldaýymen arnaıy kýbok, dıplomdar jáne de qarjylaı syılyqtar tabys etildi.
Fınal oıynynda tóreshi bolǵan «Qazaqstandyq atom elektr stanııalary» JShS múshesi Asýan Sııabekov:
"Búgin sondaı keremet oıyn boldy. Jastardyń AES taqyrybynda ashyq aıtyp, onyń oń tustaryn uǵyp turǵanyna qýanyshty boldym. Saýatty jastardyń bolýy bizdiń bolashaǵymyzdyń kórinisi. Saýatty Qazaqstan, Jańa Qazaqstan quramyz desek, saýatty urpaq tárbıeleýmiz kerek. Halyq arasynda AES týraly kóbine jańsaq pikir qalyptasqan. Onyń qaýipti tustaryn ǵana sińirip alǵanbyz. Dese de, biz atom bombasyn emes, qýat kózi, energııa beretin, damyǵan barlyq memleketterde bar atom elektr stanııasy jaıly sóz qozǵaımyz. 30 jyl ishinde QHR-da AES sany 55-ke jetti jáne taǵy 15-i salynyp jatyr. Franııada qazirgi ýaqytta 58 AES bar. Olardyń 70% energııasy osy arqyly qýattanyp otyr. Osy dúnıelerdi uqqanymyz abzal" dedi.
Mádenıettanýshy, esimtanýshy Berdaly Ospan aǵamyz jastardyń ózekti taqyryptarda saırap turǵanyna tańdanasyn bildirdi. Olardyń umtylysy men jalyndap turǵan jeńiske degen umtylysyn kórip rızashylyǵyn bildirdi:
"Ómirdiń ózi - debat. Biz ómir súrip júrip te, debattasýmen júremiz. Dese de, búgingi oıyn sondaı tartysty, qyzyqty ótti. Taqyryptarǵa qatysty jastardyń bildirgen oıy, ony jetkizýi, sóz saptaýlary unady. Degenmen de, til tazalyǵyna áli de mán berýimiz kerek" dedi Berdaly Ospan.
Oıyn tańǵy saǵat 8-den keshki 6-ǵa deıin jalǵasty. Túski úzilis ýaqytynda debatshylar arnaıy túski aspen qamtamasyz etildi.
