Qazaqstanda teraktiniń bárin sáláfıtter jasady. Bul pikirdi belgili teolog, ıslamtanýshy Asqar Sabdın “Suraýy bar” ıýtýb baǵdarlamasynda aıtty, dep habarlaıdy “Adyrna” ulttyq portaly.
“Qanshama terakt barlyǵyn sáláfıtter jasady. Sol teraktardy jasaǵan adamdarmen kezdesken adam retinde aıtamyn. Barlyǵynyń portreti birdeı. Al endi sáláfızmniń ishinde qazir ártúrli aǵymdar paıdy boldy. Bular da qyryq pyshaq bolyp, bir-birimen daýlasyp jatyr. Ishinde mázhalıfter bar. Olar da ekige bólinip ketken…
Qazirgi tańda sáláfızmniń jobalary álemde destrýktıvti tabıǵatyn kórsetti. Saýd Arabııanyń ózi qazirgi konservatızm sáláfızmnen bas tartyp jatyr. Mysaly, buryn múftıleri mýzyka haram dese, qazirgileri mýzykanyń haram ekenine naqty dálel joq degen sekildi pátýalar bere bastady”,- dedi dintanýshy.
