Olardyń sózinshe, polıııa qyzmetkerleri sebepsiz tıisip, eki jigitti sabap tastaǵan. Sondyqtan qorqyp qaldyq deıdi. Bul týraly 31 arna habarlady.Jasulan Qojantaev esimdi baıqońyrlyq jigit 5 kún buryn dostarymen birge keshki ýaqytta qydyryp júrgen. Osy kezde polıeıler ony jáne taǵy 3 jigitti sebepsizden soqqyǵa jyǵyp, sabap tastaǵan. Saldarynan betinde tártip saqshylarynyń taıaǵynan úlken isik qalypty.
As Jasulannyń anasynyń aıtýynsha, soqqydan keıin jaraqat alǵan uly búginde aýrýhanada jatyr.
«Uryp-soǵyp ishke aparǵannan keıin: «Biz seni tańǵa deıin uryp-soǵamyz nemese osy jerden shyǵyp, jaı ǵana qulap qalǵanyńdy aıtasyń», – dep aıtqan», – deıdi anasy Aızada Qojantaeva.
5 kún buryn Baıqońyrdaǵy polıeıler soqqynyń astyna aldy degen taǵy bir azamat – Máýlen Saılaýbaev. Onyń sózinshe, bet-aýzyn tumshalaǵan tártip saqshylary jumysta júrgen jerinen alyp ketken.
«Narkologııalyq posttyń aldynda kóliktiń bir jaǵyna tyǵyp urdy. Jerge jatqyzyp, urdy», – deıdi Máýlen Saılaýbaev.
«Nege osyndaı iske jol berilip otyr? Nege biz, Qazaqstan azamattary, óz elimizde, óz jerimizde otyryp, zardap shegemiz? Nege balalar osylaı zardap shegedi?» – deıdi jábirlengen jigittiń anasy Ǵazıza Tájibaeva.
Turǵyndar mundaı jaǵdaı buǵan deıin de bolǵanyn aıtyp otyr. Soraqysy sol, tártip saqshylary el azamattaryn qalanyń syrtyna shyǵaryp alyp sabaǵan kezderi bolypty.
Al prezıdenttiń Baıqońyrdaǵy ókiliniń aıtýynsha, búginde osy jaǵdaıdyń mán-jaıy anyqtalyp jatyr.
«18-19 qańtarda orystarda shoqyný merekesi boldy ǵoı. Soǵan baılanysty tártip kúsheıtilgen. Qujattardy suraǵan kezde aralarynda teketires bolǵan», – deıdi Serik Qojanııazov.
Ókil taıaq jedik degen azamattardyń isi tekserilip jatqanyn málimdedi. Al polıeılerdiń tepkisinde júrmiz degen turǵyndar ádildik úshin aqyryna deıin barmaq.
"Adyrna" ulttyq portaly
