AMANAT partııasynyń tóraǵasy Erlan Qoshanov Májilis saılaýy aldynda málimdeme jasap, bul saılaý saıası-ekonomıkalyq monopolııanyń tamyryna balta shabatynyn habarlady, dep jazady “Adyrna” ulttyq portaly.
“Ardaqty aǵaıyn! Keshe prezıdentimiz Qasym-Jomart Kemeluly Toqaev Parlament Májilisi men máslıhat saılaýynyń merzimin belgiledi. Biz memleket basshysynyń málimdemesin partııalastarymyzben muqııat talqyladyq. Atalǵan sheshim qoǵam úshin de, eldegi saıası kúshter úshin de kútpegen jaǵdaı emes. Prezıdent ótken jyldyń qyrkúıek aıynda saılaý kúntizbesin aldyn ala jarııa etken bolatyn. Bul eldegi Konstıtýııalyq reformalardyń zańdy jalǵasy, sondyqtan da AMANAT partııasy Memleket basshysynyń bul sheshimin tolyq qoldaıtynyn málimdeıdi. Bul saılaý azamattardyń ádildikke degen senimin bekemdeıdi. Bul saılaý saıası-ekonomıkalyq monopolııanyń tamyryna balta shabady. Bul saılaý jańa demokratııalyq dástúrler qalyptastyrýǵa muryndyq bolady. Eń bastysy qoǵamda túrli saıası kúshtermen saılaýshylar da osy saıası naýqanmen júgi men jaýapkershiligin tolyq sezinýi kerek.
Sebebi memlekettiń táýelsizdigi men turaqty damýy úshin halqymyzdyń beıbit ómiri men baqýatty turmysy úshin bárimiz jaýaptymyz. AMANAT partııasy aldaǵy saılaýǵa tas túıin daıyn. Partııa az ýaqyttyń ishinde túbegeıli transformaııadan ótti. Qatarymyzǵa myńdaǵan jańa tolqyn jastar qosyldy. Partııanyń 4 myń bastaýysh uıymy mıllıonǵa jýyq múshesi úzdiksiz tynymsyz jumys isteýde. Olar ótken jylǵy jalpyhalyqtyq referendýmda, prezıdent saılaýynda zor belsendilik tanytty. Úlken saıası tájirıbe jınap ábden shyńdaldy. Eń bastysy biz jalań uran, qurǵaq ýáde emes, naqty istermen aınalystyq. Oǵan halyq kýá”,- dedi Erlan Qoshanov.
”Adyrna” ulttyq portaly
