«Aq jol» demokratııalyq partııasy Ulttyq keńesi málimdeme jasady, dep jazady "Adyrna" ulttyq portaly.
- «Aq jol» demokratııalyq partııasy Memleket basshysynyń Parlament Májilisi men barlyq deńgeıdegi máslıhattar saılaýyn ótkizý týraly sheshimin qoldaıdy. Bul saılaý respýblıkanyń jańa saıası júıesiniń qalyptasýyn támamdap, bıliktiń zań shyǵarý tarmaǵynda qoǵamnyń keń ókildigin qamtamasyz etýge tıis. Osylaısha, memlekettik basqarý ınstıtýttary Prezıdent Q.Toqaev usynǵan jáne 2022 jylǵy 5 maýsymda jalpyhalyqtyq referendýmda qabyldanǵan Konstıtýııanyń jańa redakııasyna tolyǵymen sáıkestendirildi. «Aq jol» dempartııasy kásipkerlik múddesin qorǵap, Alashordanyń zııatkerlik murasyna súıene otyryp, ekonomıka men qoǵamdaǵy lıberaldy qaıta qurýlardy tabandylyqpen jaqtap, jemqorlyq pen ádiletsizdikti batyl áshkerelep, naryqtyq reformalardy usynyp, alǵa jyljytýda. Biz shaǵyn jáne orta bıznestiń, otandyq taýar óndirýshilerdiń, ózin-ózi qamtamasyz etetin zııaly qaýym men tabysty jastar túrindegi orta taptyń qalyptasýy men keńeıýine talmaı járdemdesýdemiz.
Óziniń 20 jyldan astam tarıhynda, sońǵy úsh parlamenttik naýqanda partııamyz Májiliste jáne barlyq deńgeıdegi máslıhattarda frakııalar qura otyryp, saılaýshylardyń artyp kele jatqan qoldaýyna turaqty túrde ıe bolyp júr. Sońǵy úsh jylda partııanyń bastamalary men Saıası baǵdarlamasy, bıýrokratııa men opponentterdiń qarsylyǵyna qaramastan kezeń-kezeńimen júzege asyrylyp keledi. Bul memlekettik júıede bolyp jatqan ózgeristerdiń, bizdiń saıası usynystarymyzdyń ózektiligi men «Aq jol» partııasynyń qazirgi Qazaqstannyń mańyzdy saıası kúshi retinde qajettiliginiń nátıjesi. «Aq jol» demokratııalyq partııasy óz saılaýshylarynyń múddesin qorǵap, Jańa jáne Ádil Qazaqstandy qurýǵa laıyqty úles qosý maqsatynda Prezıdent jarııalaǵan barlyq deńgeıdegi ókildi organdarǵa saılaýǵa barynsha árekettesip qatysady. Bul saılaý memleketimizdiń, árbir qazaqstandyq otbasynyń taǵdyryndaǵy tereń de túbegeıli ózgeristerdiń bastaýy bolýy kerek dep esepteımiz. Aq jol, Qazaqstan!, - delingen málimdemede.
"Adyrna" ulttyq portaly
