QR Ulttyq murajaıdyń burynǵy dırektory Arystanbek Muhamedıulyn qamaýda ustaý merzimi taǵy da uzartyldy. Bul týraly Astana qalasy sotynyń baspasóz qyzmeti málimdedi, dep habarlaıdy «Adyrna» tilshisi.
«2023 jyldyń 17 qańtarynda Astana qalasynyń mamandandyrylǵan aýdanaralyq tergeý soty kúdikti Arystanbek Muhamedıulyna qatysty qamaýda ustaý túrindegi bultartpaý sharasynyń merzimin bir aıǵa uzartty»,—dedi vedomstvo.
Eske sala keteıik, ótken jyldyń 29 mamyrynda Arystanbek Muhamedıuly qamaýǵa alynǵan edi. Oǵan qatysty halyqaralyq kórmelerdi ótkizýge bólingen 140 mln teńgeden astam qarjyny jymqyrdy degen kúdik taǵyldy.
