Muz jarylyp, tizgindep kele jatqan kóligimen birge kól túbine ketken adamnyń denesi 28 metr tereńdikten tabyldy. Marqumnyń sý astynda batqan kólik ishinde bir táýlikke jýyq ýaqyt jatyp qalǵany anyqtaldy, dep habarlady “Adyrna” ulttyq portaly.
"13 qańtada saǵat 15:10 shamasynda qasynda jolaýshysy bar NIVA markaly kóliktiń júrgizýshisi qatqan Alakól ústimen júrip ótken. Sol kezde muz jarylyp, kólik sýǵa ketken. Kóliktegi jolaýshy syrtqa shyǵyp úlgergen. Al júrgizýshi kólik salonynan shyǵa almaı, sýǵa batyp ketti", - dedi QR TJM baspasóz qyzmeti.
Izdeý jumystary barysynda 14 qańtarda saǵat 11-de Abaı oblysynyń qutqarýshylary sýǵa batqan adamnyń denesin 28 metr tereńdikten jer betine alyp shyqty.
Sý astyn barlaý jumysyna QR TJM RQU-nyń Abaı oblysyndaǵy 4 qyzmetkeri, 1 tehnıkasy, jergilikti atqarýshy organnyń 25 adamy jumyldyrylyp, 6 tehnıka qoldanyldy.
“Adyrna” ulttyq portaly
